აჭარის მთავრობის სახლთან „ერთიანი ნაციონალური მოძრაობის” წევრების აქცია დასრულდა. როგორც “ერთიანი ნაციონალური მოძრაობის” ერთ-ერთი ლიდერი ელგუჯა ბაგრატიონი “ინტერპრესნიუსთან” საუბრისას აცხადებს, მთავრობის სახლთან მიხეილ სააკაშვილის მიმართ სოლიდარობის მიზნით შეიკრიბნენ. ელგუჯა ბაგრატიონის თქმით, რეგიონების შემდეგ, მიხეილ სააკაშვილის უცხოეთში გადაყვანის მოთხოვნით, მასშტაბური აქცია თბილისში გაიმართება.

"სოლიდარობის აქცია მსოფლიოს 17 ქვეყანაში და მათ შორის, საქართველოშიც გაიმართა. მთავარი მოთხოვნაა, მიხეილ სააკაშვილის უცხოეთში სამკურნალოდ გადაყვანა, რაც იყო მოწოდება ბიძინა ივანიშვილის მიმართ. აქციები გაგრძელდება ყველა რეგიონსა და რაიონში, ეს საბოლოო ჯამში თავს მოიყრის თბილისში. თუ ბიძინა ივანიშვილი მანამდე არ მიიღებს გადაწყვეტილებას, თავისი მარიონეტებიანად წალეკავს ქართველი ხალხი, იმისთვის, რომ მიხეილ სააკაშვილის სიცოცხლე გადარჩეს და ევროპული კარი საქართველოსთვის სამუდამოდ არ იქნეს დაკეტილი”, -განაცხადა ელგუჯა ბაგრატიონმა.