ლევან ხაბეიშვილი - დაელოდეთ მოვლენების უსწრაფეს განვითარებას და ნახავთ, აზვირთებულ პროტესტს, რომელიც წალეკავს რუსს ოლიგარქს

პროტესტი ძალიან მნიშვნელოვანია, საბოლოოდ ეს პროტესტი დედაქალაქში თავს მოიყრის - დაელოდეთ მოვლენების უსწრაფეს განვითარებას და ნახავთ, იმ აზვირთებულ პროტესტს, რომელიც წალეკავს რუსს ოლიგარქს , - ამის შესახებ „ნაციონალური მოძრაობის“ თავმჯდომარემ, ლევან ხაბეიშვილმა განაცხადა.

მისივე თქმით, უახლოეს პერიოდში „ნაციონალური მოძრაობა“ საზოგადოებასთან შეხვედრების გამართვას დაიწყებს.

„პარტიაში მნიშვნელოვანი სამუშაოები უკვე დაწყებული გვაქვს. რეგიონ-რეგიონ, ქალაქ-ქალაქ, სოფელ-სოფელ ვივლით ძალიან ბევრს და სწრაფად, რომ ადამიანებს იმედი დაუბრუნდეთ. პროტესტი საზოგადოებაში არსებობს, უბრალოდ ქართველ ხალხს რწმენა უნდა ჰქონდეთ, რომ ჩვენ გამარჯვებამდე ვიბრძოლებთ. ამიტომ უახლოეს პერიოდში, ცხადია გაგრძელდება ყველა ქალაქში და რაიონში შეხვედრები. პროტესტი ძალიან მნიშვნელოვანია, საბოლოო ჯამში, ეს პროტესტი დედაქალაქში თავს მოიყრის. ჩემო ძვირფასებო, დაელოდეთ მოვლენების უსწრაფეს განვითარებას და ნახავთ, მათ შორის იმ აზვირთებულ პროტესტს, რომელიც წალეკავს რუსს ოლიგარქს. საზოგადოებამ კარგად უნდა იცოდეს მარტივი ჭეშმარიტება, პრეზიდენტ სააკაშვილი პუტინთან მებრძოლის მთავარსარდლის ჯანმრთელობის მდგომარეობა და სიცოცხლე, ჩვენი ქვეყნის ევროპული მომავალი და ჩვენი მოქალაქეების კეთილდღეობა, ეს არის მთავარი სამი მიზანი, რაც „ნაციონალურ მოძრაობას“ აქვს. დარწმუნებული ვარ, საბოლოდ ქართველ ხალხთან ერთად გავიმარჯვებთ რუსს ოლიგარქიულ რეჟიმზე. ეს არის ფეიგინის მიერ დაორგანიზებული აქცია და პარალელურად მიმდინარეობს 20-მდე ქვეყანაში. ვისაც შეუძლია თითო აგურის დადება ბიძინა ივანიშვილის და რუსული ოლიგარქის მარცხში, მზად ვარ ყველასთან სალაპარაკოდ“, - აღნიშნა ხაბეიშვილმა.

როგორც პარტიის თავმჯდომარემ განმარტა, „ნაციონალური მოძრაობა“ საპარლამენტო საქმიანობას მიხეილ სააკაშვილის სამკურნალოდ საზღვარგარეთ გადაყვანამდე არ გააგრძელებს.

„ნაციონალურ მოძრაობას“ საპარლამენტო საქმიანობა შეწყვეტილი აქვს და ეს არ გადაიხედება მანამ, სანამ პრეზიდენტ სააკაშვილი ამ მდგომარეობაშია, წერტილი! თუ ვინმე ინდივიდუალურ გადაწყვეტილებას მიიღებს, ამაზე ალბათ თქვენთან ისაუბრებენ“, - დასძინა ხაბეიშვილმა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო