აჭარის მთავრობის თავმჯდომარის თორნიკე რიჟვაძის განცხადებით, რეგიონში მასშტაბური სამედიცინო ინფრასტრუქტურული პროექტი იწყება.
როგორც მან მთავრობის სხდომაზე განაცხადა, უწყვეტ რეჟიმში უნდა ხდებოდეს სამედიცინო სერვისების განვითარება და მათი გაუმჯობესება.
„აჭარის ა/რ მთავრობა იწყებს ძალიან მასშტაბურ სამედიცინო ინფრასტრუქტურის პროექტებს. უახლოეს მომავალში დაიწყება სამი მნიშვნელოვანი სამედიცინო დაწესებულების მშენებლობა-რეაბილიტაცია. ეს ეხება ტუბერკულოზის რეგიონულ ცენტრს. აშენდება ახალი შენობა. შესაბამისად, პირობები გაუუმჯობესდებათ როგორც იქ მომუშავე პერსონალს, ასევე პაციენტებსა და ბენეფიციარებს. ჩვენ ვიწყებთ გადაუდებელი სამედიცინო ცენტრის, სასწრაფოს ახალი შენობის მშენებლობას. შესაბამისად, 160-ზე მეტ პირს იქაც გაუუმჯობესდება პირობები და პაციენტები შეძლებენ თანამედროვე ინფრასტრუქტურაში მიიღონ შესაბამისი სერვისები. ერთ-ერთი მნიშვნელოვანი პროექტი ამ ინიციატივაში არის ბათუმის პირველი პოლიკლინიკა, სადაც ყველაზე მეტი ბენეფიციარი სარგებლობს მომსახურებით. ჩვენ ვიწყებთ პოლიკლინიკის სრულ რეაბილიტაციას, ახალი ინფრასტრუქტურის მშენებლობას და ამ პროექტის ფარგლებში 50 000-ზე მეტ თანაქალაქელს გაუუმჯობესდება როგორც პირობები, ასევე მნიშვნელოვანია, რომ უწყვეტ რეჟიმში ხდებოდეს სამედიცინო სერვისების განვითარება და მათი გაუმჯობესება”,- განაცხადა რიჟვაძემ.