ბათუმის მერი თურქეთში ვიზიტის ფარგლებში UNDP-ის სტამბოლის რეგიონულ მენეჯერს შეხვდა

ბათუმის მერი არჩილ ჩიქოვანი თურქეთის რესპუბლიკაში, ქალაქ სტამბოლში ვიზიტს განაგრძობს.

ბათუმის მერიის მიერ გავრცელებული ინფორმაციით, ჩიქოვანმა UNDP-ის სტამბოლის რეგიონულ მენეჯერ თინა სტოუმთან სამუშაო შეხვედრა გამართა.

მათივე ცნობით, შეხვედრაზე UNDP-თან თანამშრომლობის ფარგლებში განხორციელებული, ასევე მიმდინარე პროექტები და სამომავლო პერსპექტივები განიხილეს.

„მოხარული ვარ, რომ მომეცა შესაძლებლობა, მადლობა გადაგიხადოთ იმ პროექტების მხარდაჭერისთვის, რომლებსაც ბათუმისთვის ერთობლივად ვახორციელებთ. UNDP-ი განსაკუთრებულ როლს ასრულებს და ხელს უწყობს ბათუმს მდგრადი განვითარების მიზნების განხორციელებაში. რამდენიმე დღის წინ ნარჩენების მართვის ხუთწლიანი სამოქმედო გეგმა დავამტკიცეთ, რომლის მიზანია ბათუმის ადმინისტრაციულ საზღვრებში არსებულ ტერიტორიაზე ნარჩენების მართვის სისტემის გაუმჯობესება და არსებული გამოწვევების დაძლევა. გარდა ამისა, „მერები ეკონომიკური ზრდისთვის“ (M4EG) ფარგლებში, რომლის განხორციელებაშიც პარტნიორობას UNDP-ი გვიწევს, მოპოვებული 225 000 ევროს ოდენობის გრანტისა და ჩვენი ერთობლივი მემორანდუმის საფუძველზე, სტარტაპ ეკოსისტემის განვითარებისა და თანამშრომლობის მიზნით, უკვე გამოვყავით შესაბამისი სივრცე, რომელიც ერთგვარი ჰაბი იქნება იმ სტარტაპერებისთვის, რომლებსაც საინტერესო იდეები და ინიციატივები გააჩნიათ ბათუმთან მიმართებაში. კიდევ ერთხელ მადლობა მინდა გადაგიხადოთ ნაყოფიერი თანამშრომლობისთვის“, - აღნიშნა არჩილ ჩიქოვანმა.

ბათუმის მერიის ცნობით, შეხვედრაზე მხარეებმა ქალაქ ბათუმის მდგრადი ურბანული გადაადგილების ინტეგრირებულ გეგმაზე იმსჯელეს, რომელიც მწვანე ქალაქების პროექტის ფარგლებში, გლობალური გარემოსდაცვითი ფონდის (GEF) დაფინანსებითა და UNDP-ის მხარდაჭერით შემუშავდა და დამტკიცდა. არჩილ ჩიქოვანმა ჭკვიანი სატრანსპორტო სისტემის განვითარებაზე ისაუბრა. აღნიშნა, რომ UNDP-ის მხარდაჭერით, პოლონეთის გამოწვევების ფონდის (Polish Challenge Fund) დაფინანსებით, ბათუმში ჭკვიანი შუქნიშნები დამონტაჟდა. მისივე თქმით, ჭკვიანი სატრანსპორტო სისტემა ქალაქს საცობების პრობლემის მოგვარებაში დაეხმარება. შეხვედრის ბოლოს, არჩილ ჩიქოვანმა კიდევ ერთხელ დაადასტურა მზადყოფნა UNDP-თან მჭიდრო თანამშრომლობის გასაგრძელებლად.

რას გულისხმობს ეროვნულ სასწავლო გეგმაში ცვლილებები, როგორ მიმდინარეობს სკოლების ავტორიზაციის პროცესი და იგეგმება თუ არა დირექტორების ვაკანტურ თანამდებობებზე კონკურსის გამოცხადება - ინტერვიუ განათლების მინისტრის მოადგილესთან
ავთანდილ წულაძე  - გერმანიის ექსპერტებმა მოამზადეს მოხსენება, რომლის მიხედვითაც გერმანია ტოტალურად უნდა მოემზადოს რუსეთისაგან თავის დასაცავად
ქართული პრესის მიმოხილვა 27.11.2023
მიხეილ ბატიაშვილი - ქვეყნის ყველაზე მასშტაბური, ციფრული საინფორმაციო ფონდი მალე ხელმისაწვდომი გახდება
გაიცანით Kreston Georgia: გლობალური ექსპერტიზა გლობალური წარმატებისთვის
თიბისის მხარდაჭერით, კოლიერსი საგურამოში და ლისზე საცხოვრებელ პროექტებს განახორციელებს
საქართველოში „The Luxury Collection“-ის კლასის სასტუმრო „პარაგრაფ თბილისი“ გაიხსნა
ახალი Toyota C-HR: ავტომობილი, რომელსაც საქართველოში ბევრი ელოდება
ვალუტის გადარიცხვის ახალი სერვისი - Visa B2B Connect
Gebrüder Weiss თბილისში არსებული ლოგისტიკური ცენტრის რიგით მესამე გაფართოებას იწყებს