ირაკლი კობახიძე - კეზერაშვილსა და მერაბიშვილს შორისაც გაჩნდა პირველი ბზარი - ისინი კიდევ უფრო მეტად გაიყოფიან, ამ გავლენისთვის ბრძოლაში ერთმანეთის დაჭმას ეცდებიან, ძალიან კარგია ეს პროცესი

კეზერაშვილსა და მერაბიშვილს შორისაც გაჩნდა პირველი ბზარი - ისინი კიდევ უფრო მეტად გაიყოფიან, ამ გავლენისთვის ბრძოლაში ერთმანეთის დაჭმას ეცდებიან. ძალიან კარგია ეს პროცესი, - ამის შესახებ „ქართული ოცნების“ თავმჯდომარემ, ირაკლი კობახიძემ „ნაციონალურ მოძრაობაში“ მიმდინარე პროცესებთან დაკავშირებით განაცხადა.

მისივე თქმით, ლევან ხაბეიშვილი ენმ-ს ფორმალური თავმჯდომარეა და მას არავინ არაფერს ეკითხება.

„ყველამ ვიცით, რომ ხაბეიშვილი არის ფორმალური თავმჯდომარე. რეალურად კეზერაშვილი და მერაბიშვილი მართავენ პროცესებს - კეზერაშვილი საზღვარგარეთიდან, მერაბიშვილი ქვეყნის შიგნით და მათ შორისაც გაჩნდა პირველი ბზარი. ამაზე გვაქვს ჩვენ ინფორმაცია. ანუ, მერაბიშვილსაც უნდა, რომ უფრო მეტად მოძლიერდეს და ეს პატარ-პატარა დაპირისპირებები და ა.შ., რა თქმა უნდა, ამ ყველაფრის გამოვლინებაა. კიდევ უფრო მეტად დაიშლებიან ისინი, კიდევ უფრო მეტად გაიყოფიან. ამ გავლენისთვის ბრძოლაში ერთმანეთის დაჭმას ეცდებიან, ასე ვთქვათ. კარგია, კარგია ძალიან ეს პროცესი,“ - განაცხადა კობახიძემ.

რაც შეეხება „ნაციონალური მოძრაობის“ ბოიკოტს - როგორც კობახიძე აცხადებს, „ნაცმოძრაობას“ ელემენტარულად ინტელექტუალური რესურსი არ ჰყოფნის იმისთვის, რომ საპარლამენტო მუშაობაში ჩართონ.

მისივე თქმით, ენმ-მ არათანმიმდევრულობა ბოიკოტის გამოცხადების ნაწილშიც აჩვენა.

„რეალურად რა მოხდა - მათ გამოაცხადეს ბოიკოტი, ამის შემდეგ პარტია და შესაბამისად, ფრაქცია რომან გოცირიძემ დატოვა და მიხვდნენ, რომ ბოიკოტი კიდევ უფრო მეტად ხელს უწყობს მათ დაშლას. ამის გამო, მათ შემდეგ გამოავლინეს კიდევ ერთხელ არათანმიმდევრულობა და გადაწყვიტეს უკვე პარლამენტის ბოიკოტის მოხსნა - შემოდიან კომიტეტებზე. მერე სხვა ვითარება იქნება, კიდევ შეცვლიან პოზიციას. ეს არათანმიმდევრულობა არის თავიდან ბოლომდე მათი სისუსტის შედეგი და კარგია. რაც უფრო მეტად დასუსტდება „ნაცმოძრაობა“, რაც უფრო მეტად აჩვენებს, მათ შორის, საკუთარ მხარდამჭერებს, რომ არათანმიმდევრული პოლიტიკური ძალაა, მით უკეთესი.

გარეთ, ქუჩაში ხალხის მხარდაჭერის რესურსი არ ყოფნით და პარლამენტში არ ყოფნით ინტელექტუალური რესურსი და თვითონვე არიან გაჭედილები ამ საკუთარ ურესურსებობებს შორის,“ - განაცხადა კობახიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ქართული პრესის მიმოხილვა 17.06.2024
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი