უკრაინის პრეზიდენტმა, ვოლოდიმირ ზელენსკიმ და გაერთიანებული სამეფოს პრემიერ-მინისტრმა, რიში სუნაკმა სატელეფონო საუბრისას ზელენსკის ლონდონში ვიზიტის დროს მიღწეული შეთანხმებების შესრულების საკითხი განიხილეს.
"მქონდა საუბარი უკრაინის ნამდვილ მეგობართან - ბრიტანეთის პრემიერ-მინისტრ რიში სუნაკთან. განვიხილეთ ლონდონში ჩემი ვიზიტის დროს მიღწეული შეთანხმებების შესრულება", - დაწერა ზელენსკიმ „ტელეგრამზე“.
მისი თქმით, აფასებს იმას, რომ გაერთიანებული სამეფო აცნობიერებს : სამხედრო დახმარების სწრაფად მიწოდება ბრძოლის ველზე უკრაინის წარმატებას ნიშნავს.
"ერთად ვაახლოებთ ჩვენს საერთო გამარჯვებას", - აღნიშნა ზელენსკიმ.