გიორგი ალადაშვილი სიღნაღის მუნიციპალიტეტის ხელმძღვანელ პირებთან ერთად წნორის პარკის სამშენებლო სამუშაოებს გაეცნო

წნორში, ევდოშვილის ქუჩაზე, კულტურის და დასვენების პარკის მშენებლობა დასკვნით ეტაპზეა. ინფორმაციას კახეთის მხარეში სახელმწიფო რწმუნებულის ადმინისტრაცია ავრცელებს.

მათივე ცნობით, პროექტი საპილოტე რეგიონების ინტეგრირებული განვითარების პროგრამის ფარგლებში ხორციელდება და მისი ჯამური ღირებულება 1 997 156 ლარს შეადგენს.

კახეთის სახელმწიფო რწმუნებული, გიორგი ალადაშვილი, სიღნაღის მუნიციპალიტეტის მერი, მალხაზ ბეგიაშვილი და საკრებულოს თავმჯდომარე, დავით ჯანიკაშვილი ქალაქ წნორის სარეკრეაციო ზონის სამშენებლო სამუშაოებს ადგილზე გაეცნენ.

„პროექტის ფარგლებში აშენდა ამფითეატრი, შადრევანი, საბავშვო გასართობი მოედნები, მოეწყო გარე განათების და წვეთოვანი სარწყავი სისტემა.

აქტიურად მიმდინარეობს 1 ჰა- ზე გაშენებული სარეკრეაციო ზონის გამწვანების სამუშაოები.

პროექტის მიზანია სიღნაღის მუნიციპალიტეტში, ყველაზე მჭიდროდ დასახლებულ და ეკონომიკური საქმიანობით ყველაზე აქტიურ ქალაქ წნორში, ადგილმდებარეობისა და ადამიანური რესურსების გამოყენებით, ბიზნესის განვითარების ხელშეწყობა და საინვესტიციოდ მიმზიდველი გარემოს შექმნა“, - ნათქვამია ინფორმაციაში, რომელსაც პრესსამსახური ავრცელებს.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს