საქართველოს პროკურატურის წარმომადგენლები, საბავშვო კლუბ „Happy me“-ს ესტუმრნენ და საქართველოში დროებით მცხოვრები უკრაინელი ბავშვები და მათი მშობლები მოინახულეს.
საქართველოს პროკურატურის სახელით, უწყების წარმომადგენლებმა, უკრაინელ ოჯახებს, სხვადასხვა დასახელების საჭირო პროდუქტები და ტკბილეული გადასცეს.
საბავშვო კლუბში რეგისტრირებულია 70-მდე ბავშვი და მათი მშობელი, რომლებიც აღნიშნულ კლუბში სხვადასხვა აქტივობებში არიან ჩართული.
აღსანიშნავია, რომ საქართველოში მცხოვრები უკრაინელი ოჯახებისთვის, საქართველოს პროკურატურა აქტიურად ატარებს სხვადასხვა სოციალურ ღონისძიებებს, რაც მომავალშიც გაგრძელდება.
ინფორმაციას პროკურატურა ავრცელებს.
