ნიკოლოზ სამხარაძე - მოვუწოდებ ბელარუსის ხელისუფლებას პატივი სცეს საქართველოს სუვერენიტეტსა და ტერიტორიულ მთლიანობას

მოვუწოდებ ბელარუსის ხელისუფლებას პატივი სცეს საქართველოს სუვერენიტეტსა და ტერიტორიულ მთლიანობას და შეწყვიტოს ისეთი ქმედებები, რომელიც პირდაპირ ეწინააღმდეგება საერთაშორისო სამართლის ფუნდამენტურ პრინციპებს, - ამის შესახებ საგარეო ურთიერთობათა კომიტეტის თავმჯდომარემ და ეუთო-ს საპარლამენტო ასამბლეაში მუდმივმოქმედი დელეგაციის ხელმძღვანელმა, ნიკოლოზ სამხარაძემ განაცხადა.

ზამთრის სესიის ფარგლებში გამართულ სამი კომიტეტის გაერთიანებულ სხდომაზე სიტყვით მიმართვისას, ნიკოლოზ სამხარაძემ ბელარუსის ოფიციალურ პირებსა და აფხაზეთის დე-ფაქტო ხელისუფლების წარმომადგენლებს შორის, მიმდინარე კვირას გამართული შეხვედრა დაგმო.

ინფორმაციას პარლამენტის პრესსამსახური ავრცელებს.