იოსებ ხახალეიშვილი -  მხარს ვუჭერთ უკრაინელი ხალხის სამართლიან და შეუპოვარ ბრძოლას

ერთი წელი გავიდა უკრაინაში ომის დაწყებიდან. რთული დღეების, თვეების გადატანა უწევს მეგობარ ქვეყანას-უკრაინელები იცავენ სამშობლოს ერთიანობას, დამოუკიდებლობას და თავისუფლებას, - ამის შესახებ ქუთაისის მერი იოსებ ხახალეიშვილი აცხადებს.

მისი თქმით, ქუთაისი უკრაინაში ომის დაწყების პირველივე დღეებიდან, ეხმარებოდა და ეხმარება ომით დაზარალებულ უკრაინელ ხალხს.

„ჩვენთან, ისევე როგორც მთელ საქართველოში, შეგროვდა დიდი რაოდენობის ჰუმანიტარული ტვირთი, შეიქმნა სპეციალური ანგარიში, სადაც ხდებოდა თანხის ჩარიცხვა. უშუალოდ ქუთაისის მერიის მიერ 50 000 ლარი გადაირიცხა აღნიშნულ ანგარიშზე. სულ მალე, ქუთაისთან დამეგობრებულ ქალაქ დნიპროში გენერატორს გავაგზავნით.

ქუთაისში ამჟამად ცხოვრობს უკრაინიდან ჩამოსული 400-მდე უკრაინელი, მათ შორის დამეგობრებული ქალაქებიდანაც. ისინი მუდმივად გრძნობენ ადგილობრივი ხელისუფლების თანადგომას. ჩვენ ამ თანადგომას მომავალშიც გავაგრძელებთ.

უკრაინელ ხალხს ვუსურვებ დამოუკიდებლობას და ტერიტორიული მთლიანობის აღდგენას!"-განაცხადა იოსებ ხახალეიშვილმა.

ინფორმაციას ქუთაისის მერია ავრცელებს.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
მდგომარეობა კრიპტოვალუტის ბაზრებზე - მაღალი სიხშირის მერყეობა და სხვა პარამეტრები
Technovation Girls SAKARTVELO 2024-ის გამარჯვებულები
მასშტაბური ცვლილება ფინანსური ანგარიშგების წარდგენის სტანდარტში: ფასს 18 (IFRS 18)