ბათუმში ევროპის მოედანზე “მაედან ბათუმის” ინიციატივით, უკრაინაში დაღუპული სამხედროებისა და სამოქალაქო პირების ხსოვნის პატივსაცემად შეიკრიბნენ.

მათ უკრაინისა და საქართველოს დროშები, ასევე უკრაინაში ომის ამსახველი ფოტო გამოფენა მოაწყვეს.

“ამ აქციის მიზანია, გმირობის ერთი წელი. უკრაინა ოკუპანტების წინააღმდეგ იბრძვის. ჩვენი მოძრაობა “არ გადადოს” წევრები შევუერთდით ღონისძიებას, რომ პატივი მივაგოთ უკრაინაში დაღუპულ ქართველი და უკრაინელ ჯარისკაცების ხსოვნას”, - განაცხადეს აქციის მონაწილეებმა

ბათუმში ასევე, საქველმოქმედო აუქციონი მიმდინარეობს, სადაც გაიყიდება უკრაინის ომიდან ჩამოტანილი სამხედრო დანიშნულების სხვადასხვა ნივთი, ასევე დროშები სამხედროების ხელმოწერებით.

ამასთან, ბათუმში კინოთეატრ “აპოლოში” 19:00 საათზე დაგეგმილია მანტას კვედარავიჩიუსის დოკუმენტური ფილმის “მარიუპოლის” ჩვენება.