პოლონეთის უმსხვილესმა ნავთობკომპანია PKN Orlen-მა, რუსეთის მილსადენ „დრუჟბადან“ ნავთობის მიღება შეწყვიტა. ამის შესახებ ინფორმაცია კომპანიის აღმასრულებელმა დირექტორმა დანიელ ობაიტეკმა გაავრცელა.

მისი თქმით, ნავთობის მიღების შეჩერების მიზეზი რუსეთის გადაწყვეტილება გახდა.

ობაიტეკის განცხადებით, პოლონეთს ნავთობის საკმარისი მარაგები აქვს და სიახლეს სრულიად მომზადებული ხვდება.

უკრაინაში ომის დაწყების შემდეგ რუსული ნავთობი პოლონეთის ნავთობის ჯამური მიწოდების დაახლოებით 10%-ს შეადგენდა. პოლონეთმა რუსულ ნავთობზე დამოკიდებულება ეტაპობრივად შეამცირა.