“საირმე მინერალ ვოთერსის” თანამშრომლები გაფიცვას აგრძელებენ
კომპანია “საირმე მინერალ ვოთერსის” თანამშრომლები გაფიცვას აგრძელებენ.
დასაქმებულები 14 დღეა, სამუშაოს შესრულებაზე უარს აცხადებენ.
ათეულობით აქციის მონაწილე დაბალ ანაზღაურებას და არასათანადო სამუშაო პირობებს აპროტესტებს.
გაფიცვის მონაწილეების თქმით, მინიმალურ ხელფასზე სიცოცხლის რისკის ფასად მუშაობენ.
გაფიცულები პროცესში მთავრობის ჩართულობას ითხოვენ, წინააღმდეგ შემთხვევაში გზის გადაკეტვით იმუქრებიან.
დასაქმებულებს დღეს სოლიდარობა სხვადასხვა საწარმოს თანამშრომლებმა გამოუცხადეს.
