ქობულეთში, ზღვაში ახალგაზრდა ქალის ცხედარი იპოვეს. სამაშველო სამსახურის თანამშრომლები, ზღვაში გაუჩინარებულ ქალს, რამდენიმე დღის განმავლობაში ეძებდნენ. უცხო ქვეყნის მოქალაქის ცხედარი ექსპერტიზის ბიუროშია გადასვენებული.

როგორც ადგილობრივები აცხადებენ, ოთხი დღის წინ ორი გოგო ზღვაში, მდინარის შესართავთან, ძაღლის გადასარჩენად შევიდა. ერთ-ერთმა ნაპირზე გამოსვლა მოახერხა, ხოლო მეორე ზღვაში გაუჩინარდა.

როგორც საქართველოს შინაგან საქმეთა სამინისტროში “ინტერპრესნიუსს” განუცხადეს, ფაქტზე გამოძიება „სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.