გიორგი ვაშაძე - „ქართულმა ოცნებამ" გადაწყვიტა, ევროინტეგრაციის პროცესთან დაკავშირებით კიდევ უფრო ღრმა საბოტაჟში შევიდეს და ფორსირებული რეჟიმით სურს მიიღოს ე.წ აგენტების შესახებ კანონი

კანონთა წყება, რომელიც ახლა პარლამენტშია, არის გზავნილი, რომ უკან უნდა დაგვაბრუნონ საბჭოთა კავშირში, საქართველოში საბჭოთა კავშირი, რუსეთი არ იქნება და ეს გზავნილი ქუჩაში გამოსულმა ათობით ათასმა ადამიანმა გაუგზავნა ივანიშვილ- კობახიძე- ღარიბაშვილებს, რომლებსაც უნდათ აგვაცდინონ ევროპულ გზას, - ამის შესახებ "სტრატეგია აღმაშენებლის" ლიდერმა გიორგი ვაშაძემ პარლამენტში გამართულ ბრიფინგზე განაცხადა, რითაც აგენტების რეგისტრაციის შესახებ პარლამენტში ინიცირებულ კანონპროექტებს გამოეხმაურა.

როგორც მან აღნიშნა, მსგავსი კანონის მიღებით "ქართულ ოცნებას" სურს სტატუსის მიღებას ხელი შეუშალოს, რაც რუსეთის დავალებაა.

„სამწუხაროდ, „ქართულმა ოცნებამ" გადაწყვიტა, ევროინტეგრაციის პროცესთან დაკავშირებით კიდევ უფრო ღრმა საბოტაჟში შევიდეს და ფორსირებული რეჟიმით სურს მიიღოს ე.წ აგენტების შესახებ კანონი, რომელზეც ბორელიდან დაწყებული, გაეროთი გაგრძელებული და აშშ- ის სახელმწიფო დეპარტამენტით დამთავრებული, ასევე ევროკომისია, ელჩები, ევროპარლამენტარები, აბსოლუტურად ყველა ამბობს, რომ შეუთავსებელია ევროკავშირის წევრობასთან და კანდიდატის სტატუსის მიღებასთან. სტატუსის გარეშე წევრობა არ არსებობს, "ქართული ოცნება" ასრულებს პირდაპირ დავალებას რუსეთიდან, რომლის ინტერესია საქართველომ არ მიიღოს კანდიდატის სტატუსი, უარი თქვას ნატო- ში გაწევრიანებაზე და უკრაინის ფრონტზე განწირული მარცხის ფონზე გაასაღოს ეს მცირე წარმატებად. მარცხისთვის განწირული რუსული ჭაობისკენ აირჩია გზა "ქართულმა ოცნებამ." ჩვენ ამ რელსებიდან გადახვევას არ დავუშვებთ და "ქართულ ოცნებას" და რუსეთს არ ჩავაბარებთ ამ ქვეყანას. ეს არის თავიდან ბოლომდე რუსული ინიციატივები საქართველოს პარლამენტში,"- განაცხადა ვაშაძემ.

ალექსანდრე თვალჭრელიძე - პრეზიდენტი მართალია, ნებისმიერი ეროვნული მასშტაბის პროცესში პასუხისმგებლობის ლომის წილი მმართველ ძალას ეკისრება მიუხედავად იმისა, მართალია იგი ამ მომენტში თუ მტყუანი
დიმიტრი შველიძე - ოპოზიციამ ვერ მოძებნა სამოქმედო, ვერც ფორმულა და ვერც ლოზუნგი
ქართული პრესის მიმოხილვა 30.03.2023
ლიბერთი განათლებისთვის - ლიბერთის მხარდაჭერით „ევროპის უნივერსიტეტმა“ მოსწავლეთა ინფორმატიკის საერთაშორისო ოლიმპიადას უმასპინძლა
„ტოიოტა კავკასიამ“ ბრენდის ორი უახლესი მოდელი - 2023 წლის Toyota Corolla და სრულიად ახალი Toyota Corolla Cross წარადგინა
ბაზისბანკის მხარდაჭერით, კოლოსი დიღომი მრავალფუნქციურ საცხოვრებელ კომპლექსს აშენებს
გაიგე რომელ მედიკამენტებზე მიიღებ უკეთეს ფასებს დღეიდან