ოთარ შამუგია არაბთა გაერთიანებული საამიროების ელჩს საქართველოში აჰმედ ალნუაიმს შეხვდა

ოთარ შამუგია არაბთა გაერთიანებული საამიროების ელჩს საქართველოში აჰმედ ალნუაიმს შეხვდა

გარემოს დაცვისა და სოფლის მეურნეობის მინისტრი ოთარ შამუგია არაბთა გაერთიანებული საამიროების ელჩს საქართველოში აჰმედ ალნუაიმს შეხვდა. ამის შესახებ ინფორმაციას უწყების პრესსამსახური ავრცელებს.

მათივე ცნობით, შეხვედრაზე მხარეებმა ქვეყნებს შორის სავაჭრო-ეკონომიკური ურთიერთობების გაღრმავების პერსპექტივები და საინვესტიციო შესაძლებლობების საკითხი განიხილეს.

როგორც გარემოს დაცვისა და სოფლის მეურნეობის სამინისტროში აღნიშნავენ, მინისტრმა ელჩს სოფლის მეურნეობის განვითარების ხელშემწყობი სახელმწიფო პროგრამების, ასევე, „იმერეთის აგრო ზონის“ სასათბურე მეურნეობების კლასტერის განვითარების პროექტის შესახებ მიაწოდა ინფორმაცია და ყურადღება ქვეყანაში ინვესტიციების განხორციელებისთვის ხელსაყრელ პირობებზე გაამახვილა.

„არაბთა გაერთიანებულ საამიროებში საქართველოს პრემიერ-მინისტრის ვიზიტი ადასტურებს ქვეყნებს შორის მჭიდრო პარტნიორული და მეგობრული ურთიერთობების მნიშვნელობას. ვფიქრობ, ჩვენ გაგვაჩნია სავაჭრო ურთიერთობების გაღრმავების მასშტაბური პოტენციალი, რაც ორმხრივად სასარგებლო და ეფექტიანი იქნება“, -განაცხადა ოთარ შამუგიამ.

„საქართველო, გარემოსდაცვითი და სოფლის მეურნეობის განვითარების შესაძლებლობებით, არაბი ინვესტორების ინტერესის საგანს წარმოადგენს. მივესალმებით ქვეყნებს შორის პარტნიორული ურთიერთობების გაღრმავების საკითხს “, - აღნიშნა აჰმედ ალნუაიმმა.

შეხვედრაზე საუბარი შეეხო აგროსასურსათო პროდუქციის, მათ შორის, ხილი, მოცვი, თხილი, და განახლებადი ენერგიის წარმოების ხელშეწყობის მიმართულებით სავაჭრო-ეკონომიკური თანამშრომლობის გაღრმავების საკითხებს.

აღსანიშნავია, რომ მიმდინარე წელს, ნოემბერში, არაბთა გაერთიანებული საამიროები გაეროს კლიმატის ცვლილების კონფერენციას (UNFCCC COP 28) მასპინძლობს, სადაც ელჩმა ოთარ შამუგია პერსონალურად მიიწვია.

19.05.2025 / 09:37

ვიქტორ ყიფიანი - “ხელისუფლების მთავარი ნაკლია, რომ მათთვის ზღვარი სახელმწიფოებრიობასა და ძალაუფლების საკითხს შორის წაშლილია”

“ჩვენ არ ვართ რევოლუციონერები”, - გახარია თვითმართველობის არჩევნებში მონაწილეობას ადასტურებს, ვინ იქნება შემდეგი

კონსტიტუციონალისტი ვახუშტი მენაბდე - “ეს წერილი გამოქვეყნდა ქართველი ხალხისთვის და ის უფრო გაამწვავებს ტრამპის ადმინისტრაციასთან ურთიერთობას”

ანექსიის პოლიტიკის გაგრძელება - რუსებმა აფხაზეთსა და ცხინვალის რეგიონში მცხოვრებლებს მოქალაქეობის მიღება გაუმარტივეს

რუსული საზაფხულო შეტევის წინ უშედეგო მოლაპარაკებით პუტინმა ყურადღების გადატანა სცადა...

ოთარ შამუგია არაბთა გაერთიანებული საამიროების ელჩს საქართველოში აჰმედ ალნუაიმს შეხვდა

გარემოს დაცვისა და სოფლის მეურნეობის მინისტრი ოთარ შამუგია არაბთა გაერთიანებული საამიროების ელჩს საქართველოში აჰმედ ალნუაიმს შეხვდა. ამის შესახებ ინფორმაციას უწყების პრესსამსახური ავრცელებს.

მათივე ცნობით, შეხვედრაზე მხარეებმა ქვეყნებს შორის სავაჭრო-ეკონომიკური ურთიერთობების გაღრმავების პერსპექტივები და საინვესტიციო შესაძლებლობების საკითხი განიხილეს.

როგორც გარემოს დაცვისა და სოფლის მეურნეობის სამინისტროში აღნიშნავენ, მინისტრმა ელჩს სოფლის მეურნეობის განვითარების ხელშემწყობი სახელმწიფო პროგრამების, ასევე, „იმერეთის აგრო ზონის“ სასათბურე მეურნეობების კლასტერის განვითარების პროექტის შესახებ მიაწოდა ინფორმაცია და ყურადღება ქვეყანაში ინვესტიციების განხორციელებისთვის ხელსაყრელ პირობებზე გაამახვილა.

„არაბთა გაერთიანებულ საამიროებში საქართველოს პრემიერ-მინისტრის ვიზიტი ადასტურებს ქვეყნებს შორის მჭიდრო პარტნიორული და მეგობრული ურთიერთობების მნიშვნელობას. ვფიქრობ, ჩვენ გაგვაჩნია სავაჭრო ურთიერთობების გაღრმავების მასშტაბური პოტენციალი, რაც ორმხრივად სასარგებლო და ეფექტიანი იქნება“, -განაცხადა ოთარ შამუგიამ.

„საქართველო, გარემოსდაცვითი და სოფლის მეურნეობის განვითარების შესაძლებლობებით, არაბი ინვესტორების ინტერესის საგანს წარმოადგენს. მივესალმებით ქვეყნებს შორის პარტნიორული ურთიერთობების გაღრმავების საკითხს “, - აღნიშნა აჰმედ ალნუაიმმა.

შეხვედრაზე საუბარი შეეხო აგროსასურსათო პროდუქციის, მათ შორის, ხილი, მოცვი, თხილი, და განახლებადი ენერგიის წარმოების ხელშეწყობის მიმართულებით სავაჭრო-ეკონომიკური თანამშრომლობის გაღრმავების საკითხებს.

აღსანიშნავია, რომ მიმდინარე წელს, ნოემბერში, არაბთა გაერთიანებული საამიროები გაეროს კლიმატის ცვლილების კონფერენციას (UNFCCC COP 28) მასპინძლობს, სადაც ელჩმა ოთარ შამუგია პერსონალურად მიიწვია.

გიორგი გობრონიძე - უკრაინაში გრძელვადიან მშვიდობაზე საუბარი ადრეა, დასავლეთში კი ბოლომდე არ არის გაცნობიერებული ის რისკები, რაც რუსეთიდან უკრაინის და ევროატლანტიკური უსაფრთხოების მიმართულებით მომდინარეობს
ქართული პრესის მიმოხილვა 19.05.2025
გაიზომე წნევა დღესვე - 17 მაისი ჰიპერტენზიასთან ბრძოლის საერთაშორისო დღეა