ჟურნალისტურმა საგამოძიებო პროგრამა „სქემებმა“ თანამგზავრის საშუალებით გადაღებული ფოტოები გამოაქვეყნა, რომელზედაც კრასნოდარის მხარეში, იეისკის აეროდრომზე მომხდარი აფეთქებების შედეგებია ასახული.

Planet Labs-ის ფოტოებზე, რომელიც „სქემებმა“ გაავრცელა, ასახულია აეროდრომის გვერდით მდებარე საჰაერო თავდაცვის პოლიგონის ტერიტორიაზე ხანძრის შედეგი. ფოტოები 2023 წლის 1 მარტითაა დათარიღებული.

ჯერჯერობით არ არის ცნობილი, დაზიანდა თუ არა თავად აეროდრომი, რადგან თანამგზავრს ეს ჯერ არ დაუფიქსირებია. ამასთან, 15 თებერვლის ფოტოებიდან ჩანს, რომ აეროდრომზე რამდენიმე რუსული თვითმფრინავი იმყოფებოდა.

შეგახსენებთ, სამშაბათს გავრცელდა ინფორმაცია, რომ იეისკის აეროდრომზე აფეთქებები მოხდა. გავრცელდა ინფორმაცია დრონის ჩამოგდების შესახებ, ზოგიერთი წყაროს ცნობით კი აეროდრომს რაკეტებით დაესხნენ თავს.