უკრაინის ეროვნული უსაფრთხოებისა და თავდაცვის საბჭოს მდივანი, ოლექსი დანილოვი აცხადებს, რომ უკრაინა ყირიმის მომავალი დეოკუპაციისთვის სტრატეგიას შეცვლის.

„ყირიმის დეოკუპაციის სტრატეგია - ახალი ვერსიის დროა. დეოკუპაციის საშუალებების თანმიმდევრობა - პოლიტიკურ-დიპლომატიური, სამხედრო, ეკონომიკური და ა.შ. მოითხოვს პრიორიტეტების შეცვლას“, - წერს დანილოვი „ტვიტერზე“.

შეგახსენებთ, უკრაინის პრეზიდენტი, ვოლოდიმირ ზელენსკი აცხადებს, რომ უკრაინაში მშვიდობას ყირიმის დაბრუნება მოიტანს.