სალომე სამადაშვილის განცხადებით, ოპოზიციის წევრები მორიგეობით შეეცდებიან, „ქართული ოცნების“ დეპუტატებს კომიტეტის სხდომა არ ჩაატარებინონ, სადაც „უცხოური გავლენის გამჭვირვალობის“ შესახებ კანონპროექტი უნდა განიხილონ

„ლელოს“ ერთ-ერთი წევრის, სალომე სამადაშვილის განცხადებით, ოპოზიციის წევრები მორიგეობით შეეცდებიან, რომ „ქართული ოცნების“ დეპუტატებს კომიტეტის სხდომა არ ჩაატარებინონ, სადაც „უცხოური გავლენის გამჭვირვალობის“ შესახებ კანონპროექტი უნდა განიხილონ.

როგორც სალომე სამადაშვილმა განაცხადა, ხმაურის შეწყვეტას არ აპირებენ.

„ჩვენ ვნახეთ ევროკავშირის ელჩების დემარში, რომლებიც მივიდნენ პაპუაშვილთან და უთხრეს, რომ ამ კანონის მიღება პირდაპირი წინააღმდეგობა იქნებოდა ჩვენი ევროპული მომავლის. აქ, ხმაურია, ჩვენ გავაგრძელებთ ასეთ ხმაურს, სანამ შევძლებთ. „ქართული ოცნება“ შეეცდება, რომ აქ იჯდეს, ვიდრე არ დაიღლება ყველა და არ წავა და მერე, ჩუმად გადააფორმონ ეს ქვეყანა რუსეთზე. „ქართული ოცნების“ დეპუტატები სხედან წყნარად და ელოდებიან იმას, რომ ჩვენ დავიღალოთ, წავიდეთ, მაგრამ აქ, ბევრნი ვართ. მე ძალიან ხმამაღლა არ ვყვირი იმიტომ, რომ ვიცდი, სანამ სხვები დაიღლებიან. ჩვენ მორიგეობით შევეცდებით ყველანაირად, რომ არ ჩავატარებინოთ ეს სხდომა“, - განაცხადა სალომე სამადაშვილმა „ფორმულასთან“.

ამასთან, კომიტეტის სხდომათა დარბაზში საპარლამენტო ოპოზიციის დეპუტატების სკანდირებენ „არა, რუსულ კანონს“. პარალელურად, ხმაურია პარლამენტის ფოიეში, სადაც იმყოფებიან იმ არასამთავრობო ორგანიზაციების და ონლაინ-მედიის წარმომადგენლები, რომელთაც მიღების შემთხვევაში აღნიშნული კანონი შეეხებათ.

გარდა ამისა, საკანონმდებლო ორგანოში მივიდნენ მმართველი გუნდის მხარდამჭერი ექსპერტები, რომლებიც დღეს მოძრაობა „ხალხის ძალის“ წევრები არიან.

„ქართული ოცნების“ თითოეული დეპუტატის სხდომათა დარბაზში შესვლა მესამე სექტორის წარმომადგენლებმა შეძახილებითა და სასტვენის ხმებით გააპროტესტეს. ისინი მიიჩნევენ, რომ „უცხოური გავლენის გამჭვირვალობის“ შესახებ კანონპროექტი რუსული კანონის ანალოგია, რომლის მიღებაც საქართველოს ევროპულ მომავალს ძირს უთხრის.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია