გიორგი ბურჯანაძე „ხალხის ძალას“ - სოზარ სუბარი საშიში იყო 15 წლის წინ?

მოიხედე, თქვენ არავინ გაგიუპატიურეს? თქვენ არ გეტკინათ? თქვენ ხართ სახალხო დამცველი? , - ასე მიმართა „ხალხის ძალის“ ერთ-ერთმა წევრმა, ვიქტორ ჯაფარიძემ სახალხო დამცველის მოვალეობის შემსრულებელს გიორგი ბურჯანაძეს პარლამენტის გაერთიანებულ კომიტეტზე, სადაც ე.წ. აგენტების შესახებ კანონპროექტს განიხილავდნენ.

გიორგი ბურჯანაძემ წარმოადგინა მისი მოსაზრება, თუ რაში მდგომარეობს ე.წ. აგენტების შესახებ კანონპროექტების შესახებ მიუღებლობა.

ბურჯანაძის პასუხებით უკმაყოფილო აღმოჩნდა დეპუტატი ვიქტორ ჯაფარიძე, რომელმაც ბურჯანაძეს კითხვით მიმართა.

„ბატონო გიორგი, 2003 წელს, რომელი „ენჯეოებით“ ფინანსდებოდა ვარდების რევოლუცია, რომელიც მოაწყვეს?”, -ჰკითხა ჯაფარიძემ, რაზეც ბურჯანაძემ უპასუხა, რომ არ ახსოვს, რადგანაც მაშინ 15 წლის იყო.

„თქვენ რომ არ გახსოვთ, ჩვენ გვახსოვს, რა უბედურება გააკეთეს. „ენჯეოებით“ ფინანსდებოდა“ , - აღნიშნა ვიქტორ ჯაფარიძემ, რაზეც ბურჯანაძემ რეპლიკით: „და მერე, რა მოხდა, მოხდა საშინელი „ვარდების რევოლუცია“ ხო?“ უპასუხა.

„დიახ. მოიხედე, თქვენ არავინ გაგიუპატიურეს?თქვენ არ გეტკინათ? თქვენ ხართ სახალხო დამცველი“, - მიმართა ვიქტორ ჯაფარიძემ ბურჯანაძეს.

თავის მხრივ, გიორგი ბურჯანაძემ „ხალხის ძალის“ დეპუტატს შეახსენა, რომ იმ დროს სამოქალაქო სექტორში სოზარ სუბარი იყო და კითხვით მისთვის მიემართა.

„რა შუაშია „ვარდების რევოლუცია“? ბატონი სოზარი იყო „თავისუფლების ინსტიტუტში“ და თუ რამეა, ბატონი სოზარი გეტყვით, მე რას მეკითხებით? 15 წლის ბავშვი ვიყავი, მე-9 კლასში, სკოლაში დავდიოდი. რა შუაში ვარ მე, „ვარდების რევოლუციასთან“. რა გინდათ ჩემგან, კანონპროექტზე გელაპარაკებით. „ენჯეო“ თუ 15 წლის წინ საშიში იყო, სოზარ საუბარი საშიში იყო 15 წლის წინ? კვლევებს რომ წერდა, ცუდი იყო?“, - მიმართა ბურჯანაძემ ჯაფარიძეს.

ვიქტორ ჯაფარიძის თქმით, მაშინ „ენჯეო“ მიუღებელი იყო, რადგან „რევოლუცია მოაწყვეს“.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი