ოლექსი დანილოვის განცხადებით, ბახმუტში რუსები უკრაინელებზე 7-ჯერ მეტ ცოცხალ ძალას კარგავენ
ეროვნული უსაფრთხოებისა და თავდაცვის საბჭოს მდივანმა, ოლექსი დანილოვმა დონეცკის ოლქის ქალაქ ბახმუტისთვის ბრძოლებში უკრაინის თავდაცვის ძალებისა და რუსეთის საოკუპაციო არმიის დანაკარგების თანაფარდობაზე ისაუბრა დაგანაცხადა, რომ მტრის ჯარები შვიდჯერ მეტ ცოცხალ ძალას კარგავენ.
მისი თქმით, 2 მარტს გამართულ შტაბის სხდომაზე რუსეთის ფედერაციის ჯარების დანაკარგებზე ისაუბრეს. კერძოდ, მათ განიხილეს ბახმუტთან დაკავშირებული მონაცემები.
„დიახ, იქ ძნელი და რთულია, მაგრამ გახსოვდეთ, რომ ყოველდღიურად ჩვენი ბიჭები და გოგოები ასობით მათგანს აგზავნიან იქ, სადაც უნდა წასულიყვნენ, იმის გათვალისწინებით, რომ აქ შემოიჭრნენ ჩვენს მოსაკლავად, ახლა ჩვენ ვხოცავთ მათ. ასე ვთქვათ, ერთით შვიდია ჩვენს სასარგებლოდ“, - აღნიშნა ეროვნული უსაფრთხოებისა და თავდაცვის საბჭოს მდივანმა.
