„მწვანე სკოლა“ საბურთალოზე ახალ, მეოთხე კამპუსს ხსნის

„მწვანე სკოლას“ მეოთხე კამპუსი თბილისის ცენტრალურ უბანში, საბურთალოზე, ემატება. სკოლის შენობა 11,000 კვ.მ. გამწვანებულ ტერიტორიაზეა განთავსებული.

„მწვანე სკოლის“ საბურთალოს კამპუსში მოსწავლეების მიღება ბაღის ასაკიდან მე-12 კლასის ჩათვლით უკვე დაწყებულია. დაინტერესების შემთხვევაში ეწვიეთ სკოლის გვერდს სოციალურ ქსელებში. სკოლა სასწავლო პროცესს 2023 წლის სექტემბერში დაიწყებს.

ახალ კამპუსში მიმდინარეობს მასშტაბური სარემონტო სამუშაოები, რომელთა შედეგად სკოლა აღიჭურვება თანამედროვე სტანდარტების საკლასო ოთახებით, გარე სივრცეებით, საცურაო აუზით, ლაბორატორიებით, კომპიუტერული ოთახით, ბიბლიოთეკით, ღია და დახურული სპორტული მოედნებით.

დღეის მდგომარეობით „მწვანე სკოლა“ თბილისში წარმოდგენილია 4 კამპუსით: საბურთალოზე, დიღომში, დიდ დიღომსა და ნაძალადევში. სკოლა უახლოეს მომავალში კიდევ 4 ახალი კამპუსის გახსნას გეგმავს. საბურთალოს კამპუსის დამატების შემდეგ ,,მწვანე სკოლის“ ოთხივე ფილიალი ჯამურად 5,000-მდე მოსწავლის მიღებას შეძლებს.

ბაკურ სულაკაური, „მწვანე სკოლის“ დირექტორი და დამფუძნებელი:

„სასიხარულოა, რომ ვაგრძელებთ განვითარებას და მიზნების სისრულეში მოყვანას. დასახული გვაქვს მომავალი განვითარების გეგმა, რომლის მიხედვითაც გვინდა მაღალი ხარისხის განათლება, უსაფრთხო გარემო და საუკეთესო სასკოლო ინფრასტრუქტურა კიდევ უფრო მეტად ხელმისაწვდომი გავხადოთ საქართველოში.

გვჯერა, რომ აღნიშნული გაფართოება წარმატების მომტანი იქნება როგორც „მწვანე სკოლისთვის“, ასევე, ქვეყნის საგანმანათლებლო სექტორისთვის.

(R)

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?