გრიგოლ გეგელია - მიხეილ ყაველაშვილს ორ თხას ვერ მიაბარებს ადამიანი - „ხალხის ძალა“ არის ივანიშვილის ნების გამტარი, ივანიშვილმა დაწერა ეს პრორუსული ტექსტები

მიხეილ ყაველაშვილს ორ თხას ვერ მიაბარებს ადამიანი, - ასე გამოეხმაურა პარტია „ლელოს" ერთ-ერთი წევრი, გრიგოლ გეგელია „ხალხის ძალის" წარმომადგენლის, მიხეილ ყაველაშვილის განცხადებას, რომ "ევროკავშირი ჩვენი თვითმიზანი არ არის".

როგორც გეგელიამ „ინტერპრესნიუსს" განუცხადა, ყაველაშვილის განცხადების თაობაზე პრეზიდენტ სალომე ზურაბიშვილის კრიტიკა აბსოლუტურად მისაღებია.

„აბსოლუტურად დავეთანხმები პრეზიდენტის კრიტიკას, საქართველოს კონსტიტუციაში სრულიად ნათლად წერია, რომ საქართველოს გაცხადებული აქვს საგარეო კურსი. ამ კურსის ხელშეშლა არის უმძიმესი მოვლენა. რაც შეეხება ყაველაშვილს, მის განცხადებებზე კომენტარს ვერ გავაკეთებ. ყაველაშვილს ორ თხას ვერ მიაბარებს ადამიანი, ის არის უბრალოდ ბიძინას დაწერილი ტექსტების გამჟღერებელი. ამიტომ, ვფიქრობ, თავმოყვარე პოლიტიკოსებმა არ უნდა ვაკეთოთ კომენტარი მიხეილ ყაველაშვილზე და „ხალხის ძალაზე". ჩვენ უნდა ვთქვათ, რომ „ხალხის ძალა“ არის ივანიშვილის ნების გამტარი, ივანიშვილმა დაწერა ეს პრორუსული ტექსტები, მან მოუწოდა ამ საკითხის გატანისკენ. ივანიშვილი უნდა ვაკრიტიკოთ. ყაველაშვილს არ გააჩნია ზრდილობა, პოლიტიკური ინტელექტი და სერიოზულობა", - განაცხადა გეგელიამ.

ცნობისთვის, პარტია "ხალხის ძალის" წევრმა, მიხეილ ყაველაშვილმა განაცხადა, რომ "ევროკავშირი ჩვენი თვითმიზანი არ არის". " ევროკავშირი ჩვენი თვითმიზანი კი არ არის, ევროკავშირი იმიტომ მინდა, რომ სამართლიანობა იყოს დაცული. მე ვერავინ მიმითითებდეს, რომ ანტისახელმწიფოებრივი და უკანონო ქმედება ჩავიდინო, იმიტომ, რომ თუ მე ამას გავაკეთებ ევროკავშირის წევრი ვერ გავხდები",-განაცხადა ყაველაშვილმა. აღნიშნულ განცხადებას პრეზიდენტი გამოეხმაურა. სალომე ზურაბიშვილის თქმით, საგანგაშოა პარლამენტის წევრის მიერ კონსტიტუციის საწინააღმდეგო განცხადებების გაკეთება.

გიორგი კაჭარავა - უკრაინაში ომის მეორე წლისთავზე საქართველოსთვის ცხადად ჩანს, რომ ევროკავშირის და ნატო-ს წევრობა უალტერნატივოა ეროვნული უსაფრთხოებისა და კეთილდღეობისთვის
ბავშვთა მიმართ სექსუალური ხასიათის დანაშაულები და მასთან დაკავშირებული პრობლემები - როგორ ამოვიცნოთ მოძალადე და როგორ უნდა დაეხმაროს მშობელი შვილს მომხდარის გადატანაში? - ფსიქოლოგის რეკომენდაციები
ქართული პრესის მიმოხილვა 22.02.2024
ჰიუნდაი ავტო საქართველოში შერჩეულ მოდელებზე მწარმოებლის ბონუსს მიიღებთ
ტერაბანკის პარტნიორობით, ილიას სახელმწიფო უნივერსიტეტში პრე-აქსელერაციის პროგრამა დასრულდა
ამერიკის შეერთებული შტატების ელჩი საქართველოს უნივერსიტეტს ესტუმრა
მსოფლიოს წამყვანი ტექნოლოგიური კომპანიის, Salesforce-ის ოფიციალური წარმომადგენელი და პარტნიორი კომპანია INSPARK, საქართველოში იწყებს ოპერირებას
ალექსანდრე ჯეჯელავა საუბრობს 8 ცხოვრებისეულ მოლოდინზე, რომელიც ხშირად განგრევთ
სილქნეტის მაღაზიებში „National Geographic საქართველოს“ სპეციალურ ფასად შეიძენთ