პარტია „ლელოს“ ოფისში პოლიტსაბჭოს სხდომა მიმდინარეობს, რომელსაც პარტიის ლიდერები ესწრებიან.

დღევანდელ სხდომაზე საუბრის მთავარი თემა "უცხოური გავლენის გამჭვირვალობის შესახებ" კანონპროექტი და ამ საკითხთან დაკავშირებით სამოქმედო გეგმა იქნება.

პოლიტსაბჭოს სხდომის დასრულების შემდეგ, პარტიის ლიდერები ბრიფინგს გამართავენ.

როგორც "ლელოს" ერთ-ერთმა წევრმა, გრიგოლ გეგელიამ "ინტერპრესნიუსს" განუცხადა, პარტია ყველაფერს გააკეთებს იმისთვის, რომ ე.წ. აგენტების შესახებ კანონპროექტი პარლამენტმა არ მიიღოს.

„ეს კანონი არის პუტინის, ლავროვისა და მედვედევის სასურველი კანონპროექტი, რომელიც ქართველი ხალხის ნებას ეწინააღმდეგება და ქართულ დემოკრატიას საფრთხეს უქმნის. ჩვენ არ დავუშვებთ, რომ საქართველოს პარლამენტში ეს კანონპროექტი მიიღონ, რადგან ის არის რუსული. ჩვენ პროტესტის აბსოლუტურად ყველა ფორმას გამოვიყენებთ, იქნება ეს პარლამენტთან აქცია, შეხვედრები დიპლომატიურ კორპუსთან, აქტიური კომუნიკაცია საერთაშორისო თანამეგობრობასთან. რაც ყველაზე მთავარია, ჩვენს საზოგადოებასთან ერთად ვივლით ამ ნაბიჯისას, რადგან ეს არის უმაღლესი კალიბრის საზოგადოებრივი საკითხი", - განაცხადა გეგელიამ.