­

უკრაინის თავდაცვის ძალებმა, გასული დღე-ღამის განმავლობაში, 5 მიმართულებით მტრის 95 -ზე მეტი შეტევა მოიგერიეს, - ინფორმაციას უკრაინის შეიარაღებული ძალების გენერალური შტაბი ავრცელებს.

უწყების ცნობით, რუსეთის ფედერაციის ძირითადი ძალისხმევა კონცენტრირებულია კუპიანსკის, ლიმანის, ბახმუტის, ავდიივკასა და შახტიორსკის მიმართულებებით შეტევითი მოქმედებების განხორციელებაზე.

„გასული დღის განმავლობაში, ჩვენმა მეომრებმა ამ მიმართულებებით მტრის 95-ზე მეტი შეტევა მოიგერიეს,“- აცხადებენ გენშტაბში.

უწყების ცნობით, რუსულმა ძალებმა, გასული დღის განმავლობაში, უკრაინის ტერიტორიაზე 27 საჰაერო და 4 სარაკეტო დარტყმა განახორციელა. პასუხად, კი, უკრაინულმა ავიაციამ, გასული დღის განმავლობაში, რუსული ძალების თავშეყრის ადგილებზე 12 შეტევა განახორციელა. სარაკეტო და საარტილერიო დანაყოფებმა კი რუსების 3 სამეთაურო პუნქტსა და კონცენტრაციის 4 ტერიტორიას დაარტყეს.