დღეს, ამ პარლამენტში ფორმდება საქართველოს გასაბჭოება, იურიდიული კომიტეტის თავმჯდომარე ამას გადასარევად ასრულებს, - ამის შესახებ ოპოზიციონერმა დეპუტატმა, თამარ კორძაიამ პარლამენტის იურიდიულ საკითხთა კომიტეტიდან დეპუტატების გაძევების შემდეგ ჟურნალისტებს განუცხადა.
როგორც მან აღნიშნა, ე.წ. აგენტების კანონი ასამარებს საქართველოს დამოუკიდებლობასა და დემოკრატიას.
„ანრი ოხანაშვილი პასუხისმგებელია იმაზე, რომ ამ სიმშვიდეში ჩვენი გამოძევებით მიიღებს კანონს, რომელიც საქართველოს დამოუკიდებლობას, არათუ დემოკრატიას, ასამარებს. დღეს, ამ პოლიციურ გარემოში, სადაც წარმოუდგენელი რაოდენობის სპეცსამსახურის თანამშრომლები დგანან, ისინი იღებენ რუსულ კანონს, რომლითაც ჩვენ გვიკარგავენ მომავალს. ჩვენ პროცედურებს ვიცავდით. პატიოსნად ვსაუბრობდი იმაზე, რომ კანონი ცუდი იყო, გამითიშეს მიკროფონი და მითხრეს, გაგაძევებთო“,-განაცხადა კორძაიამ.