„არა რუსულ კანონს“ - ამ ლოზუნგით ბათუმში, შოთა რუსთაველის სახელობის სახელმწიფო უნივერსიტეტთან ახალგაზრდები აქციას მართავენ
„არა რუსულ კანონს“ - ამ ლოზუნგით ბათუმში, შოთა რუსთაველის სახელობის სახელმწიფო უნივერსიტეტთან ახალგაზრდები შეიკრიბნენ.
ისინი ბათუმის უნივერსიტეტის რექტორს, სტუდენტებსა და ადმინისტრაციის თანამშრომლებს მიმართავენ, რათა ე.წ. აგენტების შესახებ კანონთან დაკავშირებით საკუთარი პოზიცია დააფიქსირონ.
აქციის მონაწილეებმა დღესვე მოძრაობა დააფუძნეს, რომლის სახელი „კონსტიტუციის 78-ე მუხლი“ იქნება.
შეკრებილებმა პროტესტის ნიშნად, ბათუმის უნივერსიტეტის შენობაზე სტიკერები გააკრეს “არა რუსულ კანონს”.
“ბათუმის უნივერსიტეტის რექტორს, სტუდენტებსა და ადმინისტრაციას მივმართავთ, ის სტუდენტები, რომლებსაც ერასმუსის პროგრამით უსარგებლია და ის ლექტორები, რომლებსაც სხვადასხვა პროგრამებით სარგებლობენ, აგენტები არიან? გვაინტერესებს მათი პოზიცია”, - განაცხადეს მათ.
