დღეს კიდევ ერთხელ ნათლად დაინახეთ, რომ მსოფლიოში პრეცედენტი არ არსებობს, სპეცსამსახურების ძალის გამოყენებით კომიტეტის სხდომებს ატარებდნენ, - ამის შესახებ "სტრატეგია აღმაშენებლის" ლიდერმა, გიორგი ვაშაძემ ჟურნალისტებთან საუბრისას განაცხადა.

მისივე თქმით, დღეს არასამთავრობო სექტორისა და ოპოზიციის წარმომადგენლებს შორის შეხვედრა იგეგმება, სადაც ე.წ. აგენტების კანონპროექტებთან დაკავშირებით სამოქმედო გეგმას განიხილავენ.

„დღევანდელ დღეს თქვენ კიდევ ერთხელ ნათლად დაინახეთ, რომ მსოფლიოში პრეცედენტი არ არსებობს, სპეცსამსახურების ძალის გამოყენებით ატარებდნენ კომიტეტის სხდომებს. უფრო მეტიც, ადამიანის უფლებების კომიტეტის სხდომა ჩაიშალა. ბიუროს სხდომა ხვალისთვის გადაიდო. ყველა დერეფანი დაკეტილია. სადაც გადავადგილდებით უკან დაგვყვებიან სპეცსამსახურის თანამშრომლები. ასეთი რამ აფრიკის ქვეყნებში არ ხდება, ევროპული ტიპის დემოკრატიას ასეთი რამ არ ახასიათებს ცალსახაა. ეს არის შეშინებული რუსული ინტერესების გამტარებელი ძალის რეალური სახე," - განაცხადა ვაშაძემ.