მარნეულის მუნიციპალიტეტში საგზაო ინფრასტრუქტურის მოწესრიგება აქტიურად გრძელდება. ამ ეტაპზე, სოფელ კასუმლოში შიდა გზების მოასფალტების პროცესი დასკვნით ეტაპზეა. ამის შესახებ ინფორმაციას მარნეულის მუნიციპალიტეტი ავრცელებს.

მათივე ცნობით, პროექტი, ადგილობრივი ბიუჯეტიდან 500 000 ლარით ფინანსდება და 750 გრძივი მეტრი მოცულობის გზის კეთილმოწყობას ითვალისწინებს, მოეწყობა ორფენიანი ასფალტო-ბეტონის საფარი და ბეტონის სანიაღვრე არხები.

სამუშაო პროცესის მიმდინარეობას მარნეულის მუნიციპალიტეტის მერის პირველი მოადგილე, როინ დეკანოიძე მერიის სტრუქტურული ერთეულების ხელმძღვანელ პირებთან ერთად ადგილზე გაეცნო.