გიგა ბოკერია - ამ რეჟიმის ხელში საქართველოს სამშვიდობოს გასვლა არ შეუძლია, მეტიც, ბიძინა ივანიშვილი ძალაუფლების და ფულის შენარჩუნებისთვის ვაჭრობს ჩვენი მომავლით, უპირისპირდება დასავლეთს და მარტო გვტოვებს რუსეთის საფრთხის წინაშე

ივანიშვილი და მისი პოლიტიკური არარაობების გარემოცვა და ჩვენი თავისუფალი, ღირსეული ევროპული, დასავლური მომავალი, ნატო-ში წევრობა, ევროკავშირისკენ სვლა არის შეუთავსებელი. ამ რეჟიმის ხელში საქართველოს თავისუფლების სამშვიდობოს გასვლა არ შეუძლია და მეტიც, ბიძინა ივანიშვილი ძალაუფლების და ფულის შენარჩუნებისთვის ვაჭრობს ჩვენი მომავლით, უპირისპირდება დასავლეთს და მარტო გვტოვებს რუსეთის საფრთხის წინაშე, - ამის შესახებ „ევროპული საქართველოს“ თავმჯდომარემ გიგა ბოკერიამ პარლამენტთან მიმდინარე საპროტესტო აქციაზე განაცხადა.

მისივე თქმით, პროტესტი უნდა გაგრძელდეს და უფრო უნდა გაღვივდეს.

„ძალიან მნიშვნელოვანია, რომ ეს პროტესტი, რომელიც არის დღეს აქ, გაფართოვდეს და იმისთვის, რომ ეს გაფართოვდეს ჩვენ უნდა გვქონდეს მზაობა თანმიმდევრული ნებისყოფით ამ პროტესტის გაგრძელების. არ უნდა შეიქმნას არანაირი არარეალისტური მოლოდინები, ჩვენ უნდა ვიყოთ მკაფიოები იმ პროპაგანდის ნიაღვრის წინააღმდეგ, რომელსაც ივანიშვილის რეჟიმი აწარმოებს. ამ ამბის შემდეგ მაინც, წარსული შეცდომები არავინ უნდა გაიმეოროს და ამ რეჟიმთან თანამშრომლობა, მოლაპარაკება და რუტინაში შესვლა არის ხელისშეწყობა რეჟიმისთვის“, - განაცხადა გიგა ბოკერიამ.

ცნობისთვის, საქართველოს პარლამენტთან საპროტესტო აქცია მიმდინარეობს. აქციაზე შეკრებილები ე.წ. აგენტების შესახებ კანონპროექტებს აპროტესტებენ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024