რომან გოცირიძე ფინანსთა მინისტრის მოადგილეს - სესხს იღებთ საფრანგეთის განვითარების სააგენტოსგან, ეს სააგენტო აგენტია? აგენტების ფულს იღებთ და არ გეჩოთირებათ? თუ მართლა გგონიათ, რომ ფულს სუნი არ აქვს?!

სესხს იღებთ საფრანგეთის განვითარების სააგენტოსგან. ეს სააგენტო აგენტია? აგენტების ფულს იღებთ და არ გეჩოთირებათ? თუ მართლა გგონიათ, რომ ფულს სუნი არ აქვს?! - ამ შეკითხვით მიმართა ოპოზიციონერმა პოლიტიკოსმა, რომან გოცირიძემ ფინანსთა მინისტრის პირველ მოადგილე, გიორგი კაკაურიძეს.

მან პარლამენტში სიტყვით გამოსვლისას საფრანგეთის განვითარების სააგენტოსთან გაფორმებულ ახალ ხელშეკრულებაზე ისაუბრა, რომელიც მისი თქმით, სხვადასხვა მიმართულებით რეფორმებს მოხმარდება.

„წარმოგიდგენთ საფრანგეთის განვითარების სააგენტოსთან გაფორმებულ ახალ ხელშეკრულებას. საკითხი ეხება დამატებითი რეფორმებთან დაკავშირებული რესურსის გამოყოფას საქართველოსთვის. შეგახსენებთ, გასული წლის გაზაფხულზე რატიფიცირება მოვახდინეთ „მსოფლიო ბანკთან“ და 358 მილიონი ევროს ოდენობის სესხის, რომელიც დაფუძნებული იყო 2026 წლამდე რეფორმებზე, როგორც განათლების, ასევე სოციალური და ჯანდაცვის მიმართულებით. თითოეულ მიმართულებაზე 10-ზე მეტი ინდიკატორი იქნა გაწერილი, რომელთა შესრულების შემთხვევაში, შესაბამის თანხებს გამოყოფს „მსოფლიო ბანკი“,-განაცხადა კაკაურიძემ.

რომან გოცირიძის შეკითხვის შემდეგ, გიორგი კაკაურიძემ განაცხადა, რომ მის შეკითხვაზე პასუხის გაცემა არ ღირს.

„ბატონ რომანს, თითოეულ აქ მყოფს და დამსწრეს კარგად მოეხსენება, რას ნიშნავს საფრანგეთის განვითარების სააგენტო. შესაბამისად, ამაზე კომენტარს არ გავაკეთებ“,-განაცხადა კაკაურიძემ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი