„არა რუსულ კანონს", ამ სლოგანით ზუგდიდში აქცია გაიმართა. სამოქალაქო აქტივისტები, არასამთავრობო სექტორისა და ოპოზიციის წარმომადგენლები და რიგითი მოქალაქეები სამხარეო ადმინისტრაციის შენობასთან შეიკრიბნენ. შეკრებილებმა კიდევ ერთხელ გააპროტესტეს „ხალხის ძალის" მიერ ინიცირებული კანონპროექტი. აქციის მონაწილეთა განცხადებით, აღნიშნული კანონპროექტი არის რუსული და მისი დამტკიცება მნიშვნელოვნად დააზიანებს ქვეყნის ევროპულ მომავალს.

„აღშფოთებული ვარ, მე ძალიან მინდა ახლა ვყოფილიყავი თუნდაც პარლამენტთან, იმ ადგილას, სადაც მართლა წყდება მგონია, ბოლო ათწლეულების ჩვენი ბედი, საით, რა მიმართულებით უნდა წავიდეთ. ჩვენი საუკუნოვანი არჩევანი არის ევროპა და ამ ხელისუფლებას უნდა დაგვაშოროს ამ არჩევანს. შეუძლებელია ამ ყველაფრისთვის გვეყურებინა სახლიდან“, - განაცხდა აქციის ორგანიზატორმა ბაჩანა შენგელიამ.