ხატია დეკანოიძე - დღეს პირველად გამიჭირდა ტრიბუნასთან ლაპარაკი - მათ იკადრეს და სამშობლო გაყიდეს, ამ სირცხვილს ვერავინ ჩამოირეცხავს

„ნაციონალური მოძრაობის“ დეპუტატის, ხატია დეკანოიძის განცხადებით, „ქართულმა ოცნებამ“ დღეს სამშობლო გაყიდა. როგორც მან ჟურნალისტებს განუცხადა, ხელისუფლება ამ სირცხვილს ვერ ჩამოირეცხავს.

„დღეს პირველად გამიჭირდა ტრიბუნასთან ლაპარაკი იმიტომ, რომ ჩემი სამშობლო იყო ამ დღეში. მათ იკადრეს და სამშობლო გაყიდეს. ვერავინ ჩამოირეცხავს ამ სირცხვილს. დღეს მათ გაყიდეს სამშობლო. არავის ეგონოს, რომ მერე თავისუფლად გადაადგილდებიან. წარმოუდგენელი რამ იკადრეს. ახლა მთავარია ერთიანობა. მთავარია, სამშობლოს დაცვა და ის, რომ გვესმოდეს, რამდენად მნიშვნელოვანია ახლა ჩვენი ქვეყანა. მართლა არ მეგონა, რომ ამ კანონპროექტს თითს დააჭერდნენ. ბიძინას დავალებით იყო. ბრძოლა წინ არის, ყველაფერს გავაკეთებთ, რომ ჩვენი სამშობლო იყოს იქ, სადაც გვინდა, რომ იყოს. არ ვიცი, როგორ და რა მოხდა, მაგრამ „ქართული ოცნებიდან“ ამ კანონს 4-მა მხარი არ დაუჭირა“, - განაცხადა დეკანოიძემ.

ცნობისთვის, პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა. კანონპროექტის სასარგებლოდ ხმა 76-მა დეპუტატმა მისცა, წინააღმდეგ კი 13 წავიდა. პროექტის განხილვა რამდენიმე საათის განმავლობაში ხმაურისა და დაპირისპირების ფონზე მიმდინარეობდა.

რაც შეეხება ე.წ. აგენტების შესახებ მეორე კანონპროექტს - „უცხოელი აგენტების რეგისტრაციის შესახებ“, ის პარლამენტის დღევანდელ სხდომაზე არ განუხილავთ, შესაბამისად, მისი კენჭისყრა ვერ შედგა.

„უცხოური გავლენის გამჭვირვალობის შესახებ“ კანონპროექტი წარდგენილია „ხალხის ძალიდან“ უმრავლესობის წევრი დეპუტატების: - სოზარ სუბარის, დიმიტრი ხუნდაძის, მიხეილ ყაველაშვილის, გურამ მაჭარაშვილის, დაჩი ბერაიას, ვიქტორ ჯაფარიძის, ეკა სეფაშვილის, დავით კაჭარავას და ზაალ მიქელაძის მიერ.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად