ხატია დეკანოიძე - ვთხოვ ელჩებს, ყურადღებით მიადევნონ თვალი, მათ შორის, სასწრაფო ზომებისკენ მოუწოდონ ხელისუფლებას

ვთხოვ ელჩებს, ყურადღებით მიადევნონ თვალი, მათ შორის, სასწრაფო ზომებისკენ მოუწოდონ ხელისუფლებას, - ამის შესახებ „ნაციონალური მოძრაობის" დეპუტატმა, ხატია დეკანოიძემ განაცხადა.

მისი თქმით, ხელისუფლებას მოეკითხება იმისთვის, რაც ხდება.

„მინდა მივმართო საერთაშორისო საზოგადოებას, ელჩებს, ახლა რაც პარლამენტის გარეთ ხდება, არის საქართველოს მოქალაქეების ნების წინააღმდეგ წასვლა, როცა შსს არბევს მშვიდობიან მომიტინგეებს. გაზის გაშვება არის ის, რასაც ჰქვია ამ რეჟიმის დაცვა. ვთხოვ ელჩებს, ყურადღებით მიადევნონ თვალი და მათ შორის, სასწრაფო ზომებისკენ მოუწოდონ ხელისუფლებას. წარმოუდგენელია რასაც აკეთებს ხელისუფლება, ყველას მოეკითხება და ყველა იქნება პასუხისმგებელი",- განაცხადა დეკანოიძემ.