გიორგი ვაშაძე - მშვიდობიან მოქალაქეებს რუსულმა რეჟიმმა ძალა დაუპირისპირა - ზარი ზარზე შემოდის და ამ ნაძირალებისთვის სანქციების დღე ახლოვდება
საქართველოს საერთაშორისო პარტნიორებისგან ზარი ზარზე შემოდის და ამ ნაძირალებისთვის სანქციების დღე ახლოვდება, - ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.
როგორც მან პარლამენტთან მიმდინარე აქციაზე სიტყვით გამოსვლისას აღნიშნა, რეჟიმს არ აქვს უფლება, კონსტიტუციის მიღმა რაიმე მართოს.
„დღეს საბოლოოდ გაფორმდა, რომ საქართველოში არის რეჟიმი, რომელიც დავალებას პირდაპირ პუტინისაგან იღებს და მას ახორციელებს. მე მინდა ქართული საზოგადოებისთვის და საერთაშორისო მედიის გასაგონად ვთქვა, რომ დღეს აქ მშვიდობიანი მოქალაქეები შეიკრიბნენ, რათა საქართველოს მთავრობას რუსული კანონი არ მიეღო. მშვიდობიან მოქალაქეებს, ყოველგვარი გაფრთხილების გარეშე, რუსულმა რეჟიმმა ძალა დაუპირისპირა. მათ გამოიყენეს წყლის ჭავლი და ცრემლსადენი გაზი, რაც პირდაპირი სამართალდარღვევაა. ამას ჩვენი საერთაშორისო პარტნიორები გამოეხმაურნენ. ზარი ზარზე შემოდის და ამ ნაძირალებისთვის სანქციების დღე ახლოვდება. სულ მალე ამ ადამიანებს მსოფლიოში აღარავინ დაელაპარაკება. მათი ადგილი საქართველოში არ არის!
მე ვხედავ იმ ენერგიას, რომელიც ჩვენშია. კონსტიტუციის მიღმა, რეჟიმს არაფრის მართვის უფლება არ აქვს. ერთად, მედგრად უნდა მოვიტანოთ საბოლოო გამარჯვება“, - განაცხადა გიორგი ვაშაძემ.
v-if="article.gallery" v-html="article.gallery"
