პარლამენტთან მიმდინარე აქციის მონაწილეები „ქართულ ოცნებას“ ე.წ. აგენტების შესახებ კანონის უკან გაწვევისა და გუშინდელ აქციაზე დაკავებული პირების გათავისუფლების მოთხოვნით მიმართავენ, რისთვისაც 1-საათიან ვადას აძლევენ

ე.წ. აგენტების შესახებ კანონპროექტების მოწინააღმდეგეები ხელისუფლებას 2 მოთხოვნით მიმართავენ. მოთხოვნები პარლამენტთან მიმდინარე აქციაზე „სტრატეგია აღმაშენებლის“ ლიდერმა გიორგი ვაშაძემ გააჟღერა.

უფრო კონკრეტულად, ვაშაძის განმარტებით, მოთხოვნები შემდეგია: "დაუყოვნებლივ გაიხმოს "ქართულმა ოცნებამ" რუსული კანონი პარლამენტიდან და ყველა პირი, რომელიც გუშინ უკანონოდ დააპატიმრეს, გათავისუფლდეს".

როგორც ვაშაძემ აღნიშნა, ხელისუფლებას მათი მოთხოვნების შესასრულებლად 1-საათიან ვადას აძლევენ, ამ ვადის გასვლის შემდეგ კი საზოგადოებას შემდგომ სამოქმედო ნაბიჯებს გააცნობენ.

„აი, ეს ხელები არის ჩვენი ერთიანობის და ჩვენი ერთ მუშტად შეკვრის ნათელი გზა, რომელიც მიგვიყვანს გამარჯვებამდე. ზუსტად ერთი საათი ველოდებით რუსეთის ინტერესების გამტარებლებს, განცხადება გააკეთონ, რომ გაიხმეს კანონი პარლამენტიდან და გაათავისუფლებს გუშინ დაკავებულ ადამიანებს, სხვა შემთხვევაში ჩვენ გადავალთ შემდგომ ნაბიჯებზე. თუ ერთ საათში არ მივიღებთ პასუხს, მაშინ გამოვაცხადებთ კონკრეტულ ნაბიჯს, რაც უნდა გადავდგათ. აქედან მივმართავ ბიძინა ივანიშვილს - გონს მოეგე და დათანხმდი ქართულ ნებას! დაუყოვნებლივ გაიწვიეთ ეს რუსული კანონი პარლამენტიდან!“, - განაცხადა ვაშაძემ.

აქციის მონაწილეებმა ხელის აწევით დაადასტურეს, რომ მოთხოვნებს ეთანხმებიან.

ისრაელის ელჩი - ამ მომენტში ორი ფრონტი გვაქვს, თუმცა ომის გაფართოების შესაძლებლობა არსებობს
მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
მარინა ჩიტაშვილი - კანონის მიღების შემდეგ არჩევნების მარათონი დაიწყო, საარჩევნო მარათონს კი სხვა ტაქტიკა სჭირდება, არჩევნებში სპრინტერის ტაქტიკით ვერ ირბენ, სტაერის ტაქტიკა სჭირდება
ქართული პრესის მიმოხილვა 30.05.2024
Samsung წარმოგიდგენთ პრემიუმ Bespoke French Door მაცივარს
„ბრიტანულ-ქართული აკადემიის“ დამფუძნებელი პარტნიორი ნათია ჯანაშია „საქართველოს კაპიტალთან“ დადებული ხელშეკრულებიდან გადის
2024 წლის ახალი ტოიოტა ლენდ კრუიზერ პრადო - სულ მალე საქართველოში