მამუკა ხაზარაძე - ის, რაც ხდება, ხელისუფლების სრული პასუხისმგებლობაა - ახალგაზრდობა ითხოვს ივანიშვილმა ქვეყანა არ შეიყვანოს იქ, საიდანაც გამოსვლას თაობები და ბევრი ადამიანის სიცოცხლე დასჭირდა

მოვითხოვ, მთელი პასუხისმგებლობა დაეკისროს ხელისუფლებას. ამის განმუხტვა შესაძლებელია ე.წ. აგენტების შესახებ კანონპროექტის უკან გამოტანით, - ამის შესახებ „ლელოს“ ლიდერმა, მამუკა ხაზარაძემ ვიდეომიმართვაში განაცხადა.

როგორც მან აღნიშნა, ბრძოლა არ დამთავრდება.

“ 67 წლის წინ, 9 მარტს საბჭოთა არმიამ დაარბია ჩვენი თავისუფლების მოყვარული ხალხი, რომელიც რუსთაველზე გამოვიდა. სულ რამდენიმე წუთში დადგება 9 მარტი. არავის უნდა იმ ტრაგედიის განმეორება, რაც 9 მარტს და 9 აპრილს მოხდა. მინდა მივმართო ხელისუფლებას, ის რაც ხდება, მათი სრული პასუხისმგებლობაა. აქ გამოსულია ახალგაზრდობა, ბავშვები, რომლებიც ითხოვენ, რომ ჩვენი ქვეყანა ბიძინა ივანიშვილმა არ შეიყვანოს იქ, საიდანაც გამოსვლას დასჭირდა თაობები, ბევრი ადამიანის სიცოცხლე.

მოვითხოვ, მთელი პასუხისმგებლობა დაეკისროს ხელისუფლებას, ამის განმუხტვა შესაძლებელია ამ ე.წ. აგენტების შესახებ კანონპროექტის უკან გამოტანით. ეს ბრძოლა არ დამთავრდება. ეს ბრძოლა არის ჩვენი სამშობლოსთვის, თავისუფლებისთვის. ეს ბრძოლა გაგრძელდება“, - აღნიშნავს ხაზარაძე.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს