რუსებმა ხერსონში ტრანსპორტის გაჩერება დაბომბეს, დაიღუპა 3 ადამიანი
რუსეთმა დღეს დილით ხერსონი დაბომბა, რის შედეგადაც 3 ადამიანი დაიღუპა, - ინფორმაციას უკრაინის პრეზიდენტის ადმინისტრაციის ხელმძღვანელი, ანდრეი ერმაკი ავრცელებს.
მისი განცხადებით, რუსებმა საზოგადოებრივი ტრანსპორტის გაჩერებას მაშინ დაარტყეს, როდესაც იქ მშვიდობიანი მოქალაქეები იმყოფებოდნენ.
"რუსმა ტერორისტებმა დილით ხერსონი დაბომბეს. მათ საზოგადოებრივი ტრანსპორტის გაჩერებას დაარტყეს. დაბომბვის შედეგად 3 ადამიანი დაიღუპა", - წერს ერმაკი.
