კიევში სარაკეტო თავდასხმის შედეგად 3 ადამიანი დაშავდა, დაზიანდა ავტომობილები და შენობები
რუსული ძალების მიერ კიევის წინააღმდეგ განხორციელებული სარაკეტო თავდასხმის შედეგად მინიმუმ 3 ადამიანი დაშავდა, - ინფორმაციას უკრაინული მედია კიევის საქალაქო პროკურატურაზე დაყრდნობით ავრცელებს.
მათივე ინფორმაციით, დაზიანებულია რამდენიმე ავტომობილი და შენობა. კერძოდ, აფეთქების შედეგად მთლიანად განადგურდა ხუთი ავტომობილი, 15 კი დაზიანდა. ამასთან, დაზიანებულია მიმდებარედ მდებარე სახლების ფასადები.
დედაქალაქის პროკურატურაში აცხადებენ, რომ შემთხვევის ადგილზე მაშველები, პოლიცია და ექიმები მუშაობენ და გამომძიებლები და კრიმინალისტები ომის დანაშაულის მტკიცებულებებს აგროვებენ.
