ქალაქ მარნეულში ცენტრალური საფეხბურთო სტადიონის მშენებლობა გრძელდება.

პროექტის ფარგლებში, საერთაშორისო სტანდარტების შესაბამისი საფეხბურთო მოედანი და 2000 მაყურებელზე გათვლილი ტრიბუნა აშენდება. სტადიონის კომპლექსში მოეწყობა გასახდელები, დამონტაჟდება განათება და აღიჭურვება გახმოვანების სისტემით. სტადიონი ადაპტირებული იქნება შშმ პირთათვის.

სტადიონის მშენებლობას საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდი საქართველოს მთავრობის დაფინანსებით ახორციელებს. პროექტის ღირებულება 8.1 მილიონ ლარს შეადგენს და 2023 წლის ბოლოს დასრულდება.

„აღნიშნული პროექტი ჩვენი მუნიციპალიტეტისთვის მნიშვნელოვანია როგორც სპორტული, ისე ეკონომიკური მიმართულებით; ახალი, საერთაშორისო სტანდარტების შესაბამისი სტადიონი ქალაქის პოპულარიზაციას და ახალგაზრდებში ჯანსაღი ცხოვრების წესის დამკვიდრებას შეუწყობს ხელს",- მარნეულის მუნიციპალიტეტის მერი კენან ომაროვი.

ინფორმაციას მარნეულის მერია ავრცელებს.