ბათუმში, დეპუტატ რესან კონცელიძის საცხოვრებელ სახლზე არასამთავრობო ორგანიზაცია „ალტერნატივას” წევრებმა სტიკერები დატოვეს წარწერით „არა რუსულ კანონს”
ბათუმში, საქართველოს პარლამენტის დეპუტატ რესან კონცელიძის საცხოვრებელ სახლზე არასამთავრობო ორგანიზაცია „ალტერნატივას” წევრებმა სტიკერები დატოვეს წარწერით „არა რუსულ კანონს”.
როგორც ორგანიზაციის თავმჯდომარე ხათუნა ბერიძე აცხადებს, აღნიშნული დეპუტატი რუსული კანონის მიღებაში აქტიურად იღებს მონაწილეობას. მისი თქმით, პროტესტის ნიშნად მსგავსი სტიკერების დატოვებას, დეპუტატების ანზორ ბოლქვაძისა და ზაალ მიქელაძის საცხოვრებელ სახლებზე გეგმავენ.
„სამივე დეპუტატის სახლთან ვგეგმავთ მისვლას. სამარცხვინო დეპუტატებმა ისეთი გადაწყვეტილება მიიღეს, რომ ქვეყანას რუსეთში აბრუნებენ”,- განაცხადა ხათუნა ბერიძემ.
