რომან გოცირიძე - „უცხოური გავლენის გამჭვირვალობის შესახებ" კანონპროექტმა დაიწყო „ქართული ოცნების“ ხელისუფლებიდან ჩამოცილების და მისი ისტორიულ სანაგვეში გადასროლის პროცესი

„უცხოური გავლენის გამჭვირვალობის შესახებ" კანონპროექტმა დაიწყო „ქართული ოცნების“ ხელისუფლებიდან ჩამოცილების და მისი ისტორიულ სანაგვეში გადასროლის პროცესი, - ამის შესახებ ოპოზიციონერმა დეპუტატმა რომან გოცირიძემ პარლამენტთან მიმდინარე აქციაზე განაცხადა.

მისივე თქმით, ხელისუფლებამ დაინახა, რომ საქართველოში ერთხელ და სამუდამოდ დამთავრდა რუსეთის „ბოგინი“.

„ახლა თუ შესაძლებელი იყო კანონის გაწვევა, რატომ არ იყო შესაძლებელი ამ კანონის გაწვევა მანამ, სანამ არ დაატრიალებდნენ იმ უბედურებას, რასაც ჩვენ ვხედავდით. პრევენცია შესაძლებელი იყო უფრო ადრე, არ უნდა მიეღოთ ეს კანონი. დაინახეს, რომ საქართველოში ერთხელ და სამუდამოდ დამთავრდა რუსეთის ბოგინი. "უცხოური გავლენის გამჭვირვალობის შესახებ" კანონპროექტმა დაიწყო „ქართული ოცნების“ ხელისუფლებიდან ჩამოცილების და მისი ისტორიულ სანაგვეში გადასროლის პროცესი“, - განაცხადა გოცირიძემ.

გოცირიძე საპროტესტო აქციაზე დღეს ე.წ. კონცერტის გამართვის იდეას გამოეხმაურა და აღნიშნა, რომ აქცია რა ფორმას მიიღებს, ამას ახალგაზრდები გადაწყვეტენ.

„არ ვარ საქმის კურსში, მე ვარ პარლამენტის დამოუკიდებელი წევრი. აქ მოვედი მხოლოდ სოლიდარობისთვის და აქცია რა ფორმას მიიღებს, ამას ახალგაზრდები გადაწყვეტენ“,- აღნიშნა ოპოზიციონერმა დეპუტატმა.

ვახტანგ ძაბირაძე - ემოციური ზაფხული და არანაკლებ სახიფათო შემოდგომა გველის
ქართული პრესის მიმოხილვა 20.05.2024
ოლეგ ჟდანოვი -  პუტინმა  შეცვალა  უკრაინაში  ომის  პარადიგმა, მას კარგად ესმის, რომ რუსული არმია ნებისმიერ დროს შეიძლება ჩამოიშალოს
ლოპოტა კერამიკული ქანდაკებების საერთაშორისო სიმპოზიუმს Bird of Paradise 2024-ს მასპინძლობს