იაგო ხვიჩია - მნიშვნელოვანია, რომ მოქალაქეები კოორდინირდნენ იდეის გარშემო - გააცნობიერეს, რომ რაღაც ნიშნავს რუსეთისკენ სვლას და ხელისუფლებას არ მისცეს ამის შესაძლებლობა, თუმცა, არ უნდა დაგვავიწყდეს, რომ ხელისუფლებამ ეს სცადა

მნიშვნელოვანია, რომ მოქალაქეები კოორდინირდნენ იდეის გარშემო - მათ გააცნობიერეს, რომ რაღაც ნიშნავს რუსეთისკენ სვლას და ხელისუფლებას არ მისცეს რუსეთისკენ გადასვლის შესაძლებლობა, თუმცა, ჩვენ არ უნდა დაგვავიწყდეს, რომ ხელისუფლებამ ეს სცადა, - ამის შესახებ „გირჩის“ დეპუტატმა იაგო ხვიჩიამ „ინტერპრესნიუსს“ განუცხადა.

როგორც მან აღნიშნა დღეს „ქართულ ოცნებას“ მოუწია ახალგაზრდების ინტერესების გათვალისწინება, მათზე ახლა გაბრაზებულია და მათ დასჯას შეეცდება, რისთვისაც "ფეიკ სამხედრო სამსახურის რეფორმას" გამოიყენებს.

„საერთოდ, იდეალურად კოორდინირებული აქცია ცოტათი ხელოვნურია, ამიტომ აქ მნიშვნელოვანია ის, რომ ისინი კოორდინირდნენ იდეის გარშემო. მათ გააცნობიერეს, რომ რაღაც ნიშნავს რუსეთისკენ სვლას და რაღაც ევროპისკენ სვლას და ხელისუფლებას არ მისცეს რუსეთისკენ გადასვლის შესაძლებლობა. თუმცა, ეს ჩვენ არ უნდა დაგვავიწყდეს, რომ ხელისუფლებამ ეს სცადა და ახლა ის სცდის იმ ახალგაზრდების დასჯას რომელმაც ხელი შეუძლია ამ მიზნის განხორციელებაში, ამის მთავარი მექანიზმი არის „ფეიკ“ სამხედრო რეფორმა, რომელიც ასევე უნდა ჩაიშალოს, როგორც ამ კანონის მიღება ჩაიშალა“,- განაცხადა ხვიჩიამ.

ხვიჩიას განცხადებით, მისი მიღება ისევე უნდა ჩაიშალოს, როგორც აგენტების შესახებ კანონპროექტის მიღება ჩაიშალა.

ცნობისათვის, ხვალ პარლამენტის წინ აქცია სახელწოდებით „არა მონობას“ გაიმართება, სადაც იძულებით ჯარში გაწვევას გააპროტესტებენ.