ნიკოლოზ სამხარაძე - ევროპული სასამართლოს კიდევ ერთი აღსანიშნავი გადაწყვეტილება, რომელიც ადასტურებს, რომ რუსეთის მიერ აფხაზეთის ოკუპაცია დაიწყო არა 2008 წელს, არამედ დიდი ხნით ადრე - მადლობა ყველას, ვინც წვლილი შეიტანა ამ გამარჯვებაში

საქართველოს პარლამენტის საგარეო ურთიერთობათა კომიტეტის თავმჯდომარე ნიკოლოზ სამხარაძე ადამიანის უფლებათა ევროპული სასამართლოს მიერ მიღებულ გადაწყვეტილებას ეხმაურება და მადლობას უხდის ყველას, ვინც „გამარჯვებაში წვლილი შეიტანა“.

ამის შესახებ სამხარაძე სოციალურ ქსელ „ტვიტერში“ წერს.

„ადამიანის უფლებათა ევროპული სასამართლოს მიერ მიღებული კიდევ ერთი აღსანიშნავი გადაწყვეტილება, რომელიც ადასტურებს, რომ რუსეთის მიერ აფხაზეთის ოკუპაცია დაიწყო არა 2008 წელს, არამედ დიდი ხნით ადრე. დიდი მადლობა ყველას, ვინც წვლილი შეიტანა ამ გამარჯვებაში, განსაკუთრებით საქართველოს იუსტიციის სამინისტრომ, რომელმაც 2017 წელს, წარმოადგინა მასალები და საკუთარი პოზიცია“, - წერს ნიკოლოზ სამხარაძე.