საბა ბუაძე კახა კალაძეზე - ეს კაცი 17-18 წლის ბავშვების წარსულს იხსენებს და თან სენ-ჟერმენის ბულვარიდან აგინებს ევროკავშირს - სამარცხვინო განცხადებებით ახალგაზრდებს ვერ შეაშინებთ
17-18 წლის ბავშვების წარსულს იხსენებს და თან სენ-ჟერმენის ბულვარიდან აგინებს ევროკავშირს, - ასე ეხმაურება „ლელოს“ ერთ-ერთი ლიდერი, საბა ბუაძე დედაქალაქის მერის, კახა კალაძის მიერ ე.წ. აგენტების შესახებ კანონის საწინააღმდეგო აქციასთან დაკავშირებით გაკეთებულ განცხადებას, რომლის მიხედვითაც, „აქციაზე იყვნენ ისეთი ახალგაზრდებიც, რომლებიც ფარისევლობდნენ, თითქოს არცერთ პარტიას არ განეკუთვნებოდნენ, თუმცა მათი წარსული დეტალურად ვიცით“.
საბა ბუაძის თქმით, მსგავსი განცხადებებით ახალგაზრდებს ვერ შეაშინებენ.
"ამის წარსული ხომ გახსოვთ?! მიშას ფანკლუბში რომ იჯდა 7 ნოემბრის მერე და სანაცვლოდ სახელმწიფო ქონებით დაასაჩუქრეს.
ახლა ეს კაცი 17-18 წლის ბავშვების წარსულს იხსენებს და თან სენ-ჟერმენის ბულვარიდან აგინებს ევროკავშირს.
ეტყობა მიხვდა, რომ მისი მაისური არავის სჭირდება და თითის ქნევაზე გადავიდა. ამ სამარცხვინო განცხადებებით ამ ახალგაზრდებს ვერ შეაშინებთ!", - აცხადებს საბა ბუაძე.
v-if="article.gallery" v-html="article.gallery"
