მედიის ინფორმაციით, მოსალოდნელია, რომ „მოკლე ვადაში“ რუსი პირების მიმართ სისხლის სამართლის საერთაშორისო სასამართლომ დაკავების ორდერი მოითხოვოს

მედიის ინფორმაციით, მოსალოდნელია, რომ „მოკლე ვადაში“, უკრაინაში კონფლიქტთან დაკავშირებით, რუსი პირების მიმართ სისხლის სამართლის საერთაშორისო სასამართლომ (ICC) დაკავების ორდერი მოითხოვოს.

ამერიკული გამოცემა The New York Times-ი ანონიმურ წყაროებზე დაყრდნობით იუწყება, რომ სისხლის სამართლის საერთაშორისო სასამართლო ორი საქმის აღძრას გეგმავს.

საუბარია უკრაინელი ბავშვების გატაცებისა და უკრაინაში სამოქალაქო ინფრასტრუქტურის ობიექტებზე რუსეთის მიზანმიმართული თავდასხმების გამოძიებაზე.

„როიტერსის“ ცნობით, უცნობია, რომელი რუსი პირების წინააღმდეგ მოითხოვს პროკურორი ორდერის გაცემას ან ზუსტად როდის, თუმცა ორდერები შესაძლოა გენოციდის დანაშაულს მოიცავდეს.