აჭარის მთავრობის თავმჯდომარე თორნიკე რიჟვაძე სომხეთის რესპუბლიკის საგანგებო და სრულუფლებიან ელჩს საქართველოში, აშოტ სმბატიანს შეხვდა. ამის შესახებ ინფორმაციას აჭარის მთავრობის ადმინისტრაცია ავრცელებს.

მათი ცნობით, აშოტ სმბატიანი საქართველოში სომხეთის რესპუბლიკის საგანგებო და სრულუფლებიან ელჩის თანამდებობას 2022 წლის აგვისტოდან იკავებს.

„მხარეებმა ორ ქვეყანას შორის მჭიდრო სავაჭრო-ეკონომიკურ ურთიერთობებზე ისაუბრეს და კულტურის, განათლების, ტურიზმის სფეროებში არსებული ორმხრივი თანამშრომლობის კიდევ უფრო გააქტიურებასთან დაკავშირებით იმსჯელეს”, - აღნიშნულია ინფორმაციაში.