ქვემო ქართლის რეგიონში, ბოლნისის მუნიციპალიტეტის მერმა დავით შერაზადიშვილმა, ადგილობრივი თვითმმართველობის წარმომადგენლებთან ერთად, ბოლნისის მუნიციპალიტეტში მცხოვრებ ახალგაზრდებთან შეხვედრა გამართა.

ბოლნისის მერიის ინფორმაციით, დავით შერაზადიშვილმა ახალგაზრდებთან ადგილობრივი თვითმმართველობის მნიშვნელობაზე, მერიის მიერ შეთავაზებულ სხვადასხვა სერვისსა და პროექტზე ისაუბრა.

„ახალგაზრდებთან შეხვედრა არასამთავრობო ორგანიზაციის „სამოქალაქო თანასწორობის პლატფორმა“ პროექტის „სოფლად მცხოვრები ახალგაზრდების პიროვნული განვითარებისა და ცნობიერების ამაღლების ხელშეწყობა“ ფარგლებში მოეწყო. აღნიშნული პროექტი დაფინანსებულია სსიპ ახალგაზრდობის სააგენტოს მიერ. შეხვედრის დასასრულს მერმა ახალგაზრდების მიერ დასმულ კითხვებს უპასუხა”, - ნათქვამია ინფორმაციაში.