რომან გოცირიძე - ყველა საშინაო და საგარეო პირობა გვაძლევს საფუძველს ვთქვათ, „ქართული ოცნების“ 10-წლიანი, არაეფექტიანი, პრორუსული მმართველობა მთავრდება

ხელისუფლებები, რომლებსაც ქვეყნის შიგნით არ აქვთ მორალური უპირატესობა და არ აქვთ საგარეო მხარდაჭერა, როგორც წესი, მიდიან ისტორიულ სანაგვეზე - ყველა საშინაო და საგარეო პირობა გვაძლევს საფუძველს ვთქვათ, „ქართული ოცნების“ 10-წლიანი, არაეფექტიანი, პრორუსული მმართველობა მთავრდება, - ამის შესახებ ჟურნალისტებთან ოპოზიციონერმა დეპუტატმა, რომან გოცირიძემ განაცხადა.

მისი თქმით, უკრაინის პრეზიდენტის, ვოლოდიმირ ზელენსკის სიტყვებიდან, რომ „ქართველი ხალხი სჯობს მის მთავრობას“, ერთი წელი გავიდა და ეს სულისკვეთებაა უკვე მთელ მსოფლიოში.

„ევროპარლამენტში უკვე შემოდის ერთმნიშვნელოვანი დეფინიცია, რომ ქართველი ხალხი სხვა არის, საქართველოს ხელისუფლება- სხვა. ქართველ ხალხს უნდა ევროპა, ამას ამტკიცებს მისი აქტივობა და გამოკითხვები, ხოლო „ქართულ ოცნებას“ უნდა ივანიშვილის ფული და რუსეთი. მიუხედავად ამისა, რომ ასეთი ხელისუფლება ჰყავს, ქართველი ხალხი იმსახურებს იყოს ევროპის ნაწილი. ეს არის ისტორიული ფრაზა, რომელიც „ქართული ოცნების“ მოღალატეობრივი ქმედების შემფასებელი იქნება, როცა უკრაინაში რუსეთის აგრესიის შემდგომი პერიოდი ისტორიის წიგნებში დაიწერება, ერთი თავი იქნება ასეთი, რაც თქვა უკრაინის პრეზიდენტმა ზელენსკიმ, რომ „ქართველი ხალხი სჯობია მის მთავრობას“. ერთი წელი გავიდა ამ სიტყვებიდან და ეს სულისკვეთებაა მთელ მსოფლიოში. სრული პოლიტიკური საერთაშორისო იზოლაცია - ასე შეიძლება დავახასიათოთ „ქართული ოცნების“ დღევანდელი მდგომარეობა. როცა შიგნით არ გაქვს მორალური უპირატესობა არ გაქვს და საგარეო მხარდაჭერა არ გაქვს, ასეთი ხელისუფლებები, როგორც წესი მთავრდებიან და მიდიან ისტორიულ სანაგვეზე. ყველა საშინაო და საგარეო პირობა გვაძლევს საფუძველს ვთქვათ, რომ „ქართული ოცნების“ 10-წლიანი, არაეფექტიანი, პრორუსული მმართველობა მთავრდება, ოღონდ, რა თქმა უნდა, ოპოზიციამაც ცოტა ხელი უნდა გაანძრიოს, თავისით არაფერი არ მოდის“, - განაცხადა გოცირიძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024