საერთაშორისო FaaS (Fintech as a Service) კომპანიამ, ,,United Payment’’-მა, საქართველოში საგადახდო მომსახურების პროვაიდერის ლიცენზია მოიპოვა.

,,United Payment’’-ს საქართველოს გარდა, რეგიონალური ოფისები დიდ ბრიტანეთში, რუმინეთში, აზერბაიჯანსა და თურქეთში აქვს. კომპანია როგორც ლოკალურ, ასევე გლობალურ ბაზრებს შემდეგ ფინანსურ მომსახურებებს სთავაზობს:

• შიდა და საერთაშორისო ფულადი გზავნილები
• კომპანიების ნაღდი ფულის სამართავი ჭკვიანი ყუთები, SmartSafe-ები
• Prepaid ბარათებიდა ციფრული საფულე
• Online და Offlineგადახდები
• ლოიალურობის პროგრამები

“ჩვენი მიზანია საქართველოში რეგიონალური განვითარება და წამყვან Fintech კომპანიად დაწინაურება” - განაცხადა კომპანიის დირექტორმა, ნინო ჭედიამ.

კომპანია საქართველოში ოპერირებას თავდაპირველად ორი პროდუქტით, შიდა და საერთაშორისო ფულადი გზავნილებითა და SmartSafe-ებით დაიწყებს.

აღსანიშნავია, რომ ჯგუფის დამფუძნებელთა სტრუქტურაში, საერთაშორისო უმაღლესი რეპუტაციის და სანდოობის ინსტიტუტებია გაერთიანებული. მათშორის: ევროპის რეკონსტრუქციისა და განვითარების ბანკი (EBRD), საერთაშორისო საფინანსო კორპორაცია (IFC) და სხვა.

(R)